Мемлекеттік қызмет Қазақстан Республикасы Ішкі істер министрлігі ҚР Консулдық мекемелері арқылы ҚР азаматтарына:
Қазақстан Республикасынан тыс жерлерде тұрақты тұратындарға;
шет мемлекеттердің аумағында орналасқан оқу орындарында білім алатындарға;
шет мемлекеттерде еңбек шарты бойынша жұмыс істейтіндерге;
Қазақстан Республикасынан тыс жерлерде туған жағдайда кәмелетке толмағандарға;
көрсетілген адамдармен бірге тұратын отбасы мүшелеріне;
Қазақстан Республикасынан тыс жерлерде тұратын шетелдіктің отбасы мүшелері болып табылатындарға;
шетелдегі дипломатиялық қызмет персоналымен бірге тұратын дипломатиялық қызмет персоналының туыстарына;
жасының егде тартуына байланысты өзіне-өзі күтім жасауға қабілетсіз адамдарға (қарттар) және организм функциялары бұзылып, тұрмыс-тіршілігін шектейтіндей тұрақты денсаулығы нашарлаған адамдарға, сондай-ақ өзіне-өзі қызмет көрсете алмайтын жақын туыстарын күтуді жүзеге асыратын адамдарға;
шет мемлекеттің аумағында ұсталғандарға немесе күзетпен ұсталғандарға, қамауға алынғандарға, сондай-ақ қылмыстық-атқару жүйесі мекемелерінде жазасын өтеушілерге көрсетеді.
Назар аударамыз!!! Қазақстан Республикасы азаматының жеке куәлігін ресімдеу Консулдық мекеменің құзыретіне жатпайды.
Паспорт беруге арналған өтініш-формулярдың толтырылған көшірмесі (азаматтың қолы деген бағанада жеке қолы шеңберден шықпай қойылуы тиіс);
Туу туралы куәліктің түпнұсқасы және көшірмесі;
ҚР азаматы паспортының түпнұсқасы және көшірмесі;
Неке қию/ажырасу туралы куәліктердің түпнұсқасы және көшірмесі. Егер неке қию/ажырасу Кореяда тіркелген болса, онда «Apostille» мөртаңбасы қойылған қазақ немесе орыс тілінде расталған аудармасының болуы міндетті;
Оңтүстік Кореяға тұрақты тұруға келген ҚР азаматтары үшін Қазақстаннан Оңтүстік Кореяға тұрақты шыққан туралы кету парағы;
Қазақстандық студенттер үшін (ТТР жоқ адамдар үшін) - ЖОО-да оқып жатқандығы туралы нотариалды куәландырылған қазақ немесе орыс тіліндегі аудармасы бар университет анықтамасы;
Оңтүстік Корея аумағында уақытша жұмыс істейтін Қазақстан азаматтары үшін (ТТР жоқ адамдар үшін) - еңбек келісім - шартының түпнұсқасы мен көшірмесі (көшірмесінде «Apostille» мөртаңбасы қойылған қазақ немесе орыс тілінде расталған аудармасының болуы міндетті);
3,5х4,5 фотосурет – 4 дана. Құжаттарды консулдық бөлімге тапсыру кезінде сурет өтініш білдірушінің жасына сәйкес келуі керек, тура алдынан жарық фонда күлкісіз түсірілген, бейнеңіз 75% - тен кем болмауы қажет, сондай - ақ басыңыздың үсті мен суретіңіздің екі жанында ақ жиек қалу керек;
Оңтүстік Корея органдарының елде тұруға рұқсат берген (Allen card) құжаттың түпнұсқасы және көшірмесі (көшірмесінде «Apostille» мөртаңбасы қойылған қазақ немесе орыс тілінде расталған аудармасының болуы міндетті);
Жоғалған паспорттың орнына жаңасын ресімдеген кезде жергілікті полиция бөлімшесінен паспорттың жоғалуы туралы куәландырған қазақ немесе орыс тілінде аудармасы бар анықтама;
Алғашқы рет паспортты ресімдейтін тұлғаларға (16 жасқа толмағандар үшін) баланың дерегі жазылған ата-анасының паспортын және оның көшірмесі;
Консулдық алым – 100 АҚШ доллары.
Құжаттар топтамасын тапсырған күннен бастап - күнтізбелік 90 күн