Меню
Сауда-экономикалық ынтымақтастық
ҚР ҚМ МКК деректері бойынша Қазақстан Республикасы мен Корея Республикасы арасындағы тауар айналымы 2023 ж. 6 млрд. АҚШ құрады, мұнда Қазақстанның Кореяға экспорты – 3,8 млрд. АҚШ долл., Кореяның Қазақстанға импорты – 2,2 млрд. АҚШ долл. құрады.
Корей тарапының статистикалық деректеріне сәйкес, 2023 ж. Қазақстан мен Корея арасындағы сауда 5,5 млрд. АҚШ долл. құрады, мұнда Қазақстанға экспорт – 2 млрд. АҚШ долл., Кореяға импорт – 3,5 млрд. АҚШ долл. құрады.
Қазақстандық экспорттың негізгі баптары: шикі мұнай, қара металдар, қоспаланбаған болат пен темір.
Қазақстандық импорттың негізгі баптары: қазандар, машиналар, жабдықтар, көлік құралдары, аспаптар мен аппараттар.
Корея Республикасы ҚР экономикасына жетекші шетелдік инвесторлардың бірі болып табылады. Мәселен, 2015 жылдан бері корей инвестицияларының ағыны 9,4 млрд. АҚШ долл. құрады. 2023 жылғы 3 тоқсанда Оңтүстік Кореядан Қазақстанға инвестицияларының ағыны 953 млн. АҚШ долл. құрады.
ҚР-да Оңтүстік Кореяның 740-ден астам заңды тұлғалары, филиалдары мен өкілдіктері жұмыс істейді.
Сауда-экономикалық және ғылыми-техникалық ынтымақтастық жөніндегі Үкіметаралық комиссия екіжақты сауда-экономикалық ынтымақтастықтың маңызды тетігі болып табылады. Осы уақытқа дейін Үкіметаралық комиссияның 9 отырысы өткізілді (соңғысы – 2020 ж. 17 қарашада БКБ режимінде).
Комиссияның тең төрағалары Қазақстан тарапынан – Өнеркәсіп және құрылыс министрі Қ.Шарлапаев, Оңтүстік Корея тарапынан – Сауда, өнеркәсіп және энергетика министрі Ан Док Кын болып табылады.
ҚР Президенті Қ.Тоқаевтың Корея Республикасына мемлекеттік сапарының қорытындысы бойынша ҚР Премьер-Министрінің Бірінші орынбасары Р.Склярдың басшылығымен Корея Республикасымен инвестициялық ынтымақтастықты нығайту жөніндегі жұмыс тобы құрылды. Жұмыс тобы құрылғалы бері ҚР Премьер-Министрінің Бірінші орынбасары Р.Скляр Корея Республикасына жұмыс сапарымен 2 рет келді (2021 ж. 20-21 қазан, 2023 жылғы 13-15 сәуір).