«Сан-Франциско қаласында (Америка Құрама Штаттары) Қазақстан Республикасының Бас консулдығын ашу туралы» Қазақстан Республикасы Президентінің 2018 жылғы 4 маусымдағы № 697 Жарлығына сәйкес, Қазақстан Республикасының Сан-Франциско қаласындағы Бас консулдығы (Калифорния штаты) 2019 жылғы 3 қаңтардан бастап ҚР мен АҚШ-тың азаматтарына консулдық қызметтерді көрсетеді.
Бас консулдық Қазақстан мен АҚШ-тың батыс жағалауындағы 18 штат арасындағы өзара тиімді ынтымақтастыққа ықпал етіп және бірлескен экономикалық, мәдени және гуманитарлық жобаларды дамыту мақсатында Қазақстандық әлеуетті серіктестерімен байланыс орнатқысы келетін барлық мүдделі компаниялар мен жеке тұлғаларға қажетті қолдауды қамтамасыз етеді.