«Отандастар» қорымен ынтымақтастық
2019 жылғы 26-28 тамызда «Отандастар» қоры басшылық құрамының іс-сапары ұйымдастырылды. Делегация құрамына келесі бизнес өкілдері кірді: «Smart Advisory» ЖШС-тың Басқарушы серіктесі, «QazAngels» директоры Р. Рақымбай, «ABC-I2BF Seed Fund» ЖШС-тың Басшысы А. Сейфуллин және «Happycake Global» компаниясының негізін салушы және директоры А. Солтанов. Сапардың негізгі мақсаты-Кремний алқабында тұратын дарынды отандастармен жұмыс істеу, сондай-ақ Калифорния штатындағы қазақстандық мәдени-іскерлік үйдің ашылуы.
Сапар барысында «Silicon Valley Innovation Center» Вице-президенті Д. Куракинмен кездесу өтті. Қазақстандық диаспораның жас өкілдерімен бизнес-форум ұйымдастырылды. Іс-шараға Кремний алқабының технологиялық және стартап компанияларында жұмыс істейтін қазақстандықтар қатысты.
Сапар аясында қазақстандық инвестициялық қорлардың өкілдері елде бар стартаптар, бизнес жобалар мен отандастардың бастамаларын қолдау тетіктері туралы, соның ішінде Қазақстанда да ілгерілетудің нақты тетіктері туралы, сондай-ақ халықаралық нарықтарға шығару бойынша жәрдем көрсету туралы ақпарат берді.
ҚР Ұлттық музейінің директоры Арыстанбек Мұхамедиұлының сапары
2019 жылғы 9 желтоқсанда ҚР Ұлттық музейінің директоры Арыстанбек Мұхамедиұлының іс-сапары орын алды. Сапар барысында Сан-Франциско қаласындағы Азиялық мәдениет мұражайының директоры Джей Сюймен кездесу өтті.
Кездесуде мәдени ұйымдар арасында тікелей байланыс орнату және ынтымақтастық мәселелері талқыланды, сондай-ақ Сан-Франциско қаласында «Алтын адам» көрмесін ұйымдастыру мәселесі қаралды.
Кездесу қорытындысы бойынша тараптар өзара түсіністік туралы Меморандумға қол қойды.