Қазақстан Республикасының азаматтығын жоғалтуды тіркеу

ҚАЗАҚСТАН РЕСПУБЛИКАСЫ АЗАМАТТЫҒЫНАН АЙЫРУДЫ ТІРКЕУ

ҚР аумағынан тыс жерге тұрақты тұруға кетуге рұқсатты ресімдеген азаматтар үшін:

• өтініш (Ересек); өтініш (Балалар)
• ҚР азаматының паспортының  түпнұсқа және бірінші парақтың көшірмесі. Егер паспорт болмаған немесе жоғалтып алған жағдайда жазбаша түсініктеме не аталған фактіні растайтын басқа құжат ұсынылады;
• шетел азаматы паспортының бірінші парақтың көшірмесі немесе шет мемлекеттің азаматтығын растайтын басқа құжат.
• ҚР аумағынан тыс жерлерге тұрақты тұруға кеткенін растайтын құжаттың көшірмесі (мекенжай кету парағы не ТМККК шығу туралы шешім, не паспортындағы мөртабан)

Келесі жағдайларда қосымша құжаттар тапсырылады:

Анықтамалық деректер өзгерген жағдайда (А.Ә.Т):

• аталған фактіні растайтын құжат;

Кәмелет жасқа толмаған баласы үшін ата-анасы (ҚР азаматы немесе ҚР азаматы болған) құжат тапсырған жағдайда:

• баланың туу туралы куәлігінің көшірмесі;
• ата-аналарының жеке басын куәландыратын құжаттарының көшірмесі;
• кәмелет жасқа толмаған баласының ҚР азаматтығын жоғалтуға нотариалды расталған екінші ата-анасының (ҚР азаматы болған жағдайда) келісімі.

ҚР аумағынан тыс жерге тұрақты тұруға кетуге рұқсатты ресімдемеген азаматтар үшін:

өтініш

• өтініш (ҚР азаматы немесе ҚР азаматы болған ата-анасы қолмен толтырады);
• ҚР азаматының паспорты түпнұсқа және бірінші парақтың көшірмесі;
• ҚР азаматының жеке куәлігі түпнұсқасы және көшірмесі;
• ҚР азаматының паспорты және/немесе жеке куәлігі болмаған немесе жоғалтып алған жағдайда жазбаша түсініктеме немесе аталған фактіні растайтын басқа құжат ұсынылады (16 жасқа толмаған балаларда ҚР азаматының жеке куәлігі болмағаны үшін түсініктеме жазудың қажеті жоқ);
• егер ҚР азаматы паспортына және/немесе ҚР азаматы жеке куәлігіне зақым келсе (жыртық, күйген, су тиген және т.б.) еркін нысанда түсініктеме;
• шетел азаматы паспортының көшірмесі немесе шет мемлекеттің азаматтығын растайтын басқа құжат;

Келесі жағдайларда қосымша құжаттар тапсырылады:

Анықтамалық деректер өзгерген жағдайда (А.Ә.Т):

• аталған фактіні растайтын құжат.

ЕСКЕРТПЕ: шет тілде жасалған құжаттарды мемлекеттік немесе орыс тіліне аудармамен табыстауға міндетті. Шетелдік паспорттың аудармасы қажет емес.

 

Азаматтықтан айырылуды тіркеу құжаттар тапсырылған күннен бастап 6 ай ішінде жүргізіледі. Азаматтығынан айрылу тіркелген күннен бастап 5 жұмыс күні ішінде Қазақстан Республикасының азаматтығынан айрылу туралы анықтама ресімделеді. 

Қазақстан Республикасының азаматтығы туралы Заңның 21-бабына сәйкес Қазақстан Республикасының азаматтығында тұрған және шет мемлекеттің азаматтығын қабылдаған адам өзге азаматтығын алған күннен бастап күнтізбелік отыз күн ішінде шетел азаматтығын алу фактісі туралы Қазақстан Республикасының Ішкі істер органдарына немесе Қазақстан Республикасының шет елдердегі мекемелеріне хабарлауға және паспортты және (немесе) жеке куәлікті тапсыруға міндетті Қазақстан Республикасының Шетел азаматтығын алу фактісі туралы 21-баптың екінші бөлігінде белгіленген мерзімде хабарламау Қазақстан Республикасының заңдарында белгіленген жауаптылыққа әкеп соғады.

Сонымен қатар, консулдық айыппұл салмайтынын хабарлаймыз. Бас консулдыққа паспортты жеке немесе нотариаттық сенімхат бойынша тапсыруға болады (тек отбасының басқа мүшесінен). ҚР паспортын тапсыруға сенімхаттың түпнұсқасы және сенім білдірілген тұлға паспортының көшірмесі алынады). Сіздің назарыңызды аударамыз: азаматтар нотариаттық сенімхат бойынша жүгінген кезде барлық құжаттарды нотариалды куәландыру қажет. Калининград қаласында тұратындарға паспортты мына мекен-жай бойынша тапсыруға болады: Литовский вал көшесі, 48-50 Калининград қаласындағы Қазақстанның құрметті консулдығында (тел.: 8 (4012) 337-677, e-mail: info@concul-kz.ru).

ҚР азаматтығын жоғалтқаны үшін консулдық алым төленбейді. ҚР азаматтығының жоғалғанын растайтын анықтаманы ресімдегені үшін консулдық алым 5000 рубльді құрайды.Сіз консулдықта QR коды бойынша немесе қызметкер берген түбіртек бойынша төлей аласыз.