Миланда Астана қаласының туристік әлеуеті таныстырылды
Милан қаласы, 2024 жылғы 19 қараша - Бүгін Миланда Астана қаласының әкімдігі мен "Астананы дамыту орталығы" ЖШС ұйымдастырған "Астана-Милан 2024" туристік роуд-шоуы өтті. Іс-шара Италия-Қазақ сауда қауымдастығының, "Neos S.p.A" компаниясының және "Visit Astana" туристік бренді аясында Италия-Қазақ сауда палатасының көмегімен өткізілді. Оған қазақстандық туроператорлар, қонақ үй желілерінің, туристік агенттіктердің мен медиа өкілдері қатысты.
Форумның ашылуында сөз сөйлеген ҚР Италиядағы Елшісі Е.Сембаев Қазақстан мен Италияның туризм саласындағы ынтымақтастығының зор әлеуеті бар екенін атап өтті. Итальяндық "NEOS" компаниясының "Милан-Алматы-Милан" бағытындағы рейстері қысқа уақыт ішінде Италияда да, Қазақстанда да едәуір сұранысқа ие болды.
"Біз өзара тиімді ынтымақтастық әлеуетті бар елдеріміз арасындағы туристік секторды дамытуға үлкен мән береміз. Қазақстан-Италия екіжақты өзара іс-қимылындағы туризм саласы орасан зор және әлі игерілмеген әлеуетке ие", - деді Е.Сембаев.
ҚР Елшісі Қазақстанда туризмді дамытуға ең жоғары деңгейде көңіл бөлінетінін атап өтті. Туризм саласы еліміздің дамуының басым бағыттарының бірі.
"Қазақстан 83 елдің азаматтары үшін визасыз режимді және 109 елдің азаматтары үшін электрондық визаларды енгізді. Бүгінгі таңда Қазақстан әлемнің 33 елімен тікелей әуе қатынасымен байланысып, 130 халықаралық әуе рейсін ұсынады. Бұл бағыттар ТМД, Азия, Таяу Шығыс және Еуропаның негізгі қалаларын қамтиды. Бұл әлемнің түкпір-түкпірінен келетін туристерге Қазақстанға жайлы жетуге мүмкіндік береді", - деп атап өтті Е.Сембаев.
Роуд-шоу аясында Қазақстан астанасының туристік әлеуетін таныстырумен "Астана даму орталығы" ЖШС-ның Серіктестік департаментінің директоры Сәния Екібаева және "Kazakh Tourism "ҰК" АҚ бренд және маркетинг жөніндегі басқарушы директоры Шырын Мусина, Италия-Қазақ сауда қауымдастығының президенті Марко Беретта және Италия-Қазақ сауда палатасының президенті Паоло Гирелли сөз сөйледі.
Роуд-шоу бағдарламасы сонымен қатар интерактивті сессиялар мен B2B кездесулерді қамтиды, онда қатысушылар Италияның туристік нарығында Астана қаласын ілгерілетуге және әріптестік перспективаларын талқылауға мүмкіндік алды.