Мемлекеттік қызметтер туралы

Құрметті Қазақстан Республикасының азаматтары!

Қазақстан Республикасының Сыртқы істер министрлігі мен шетелдегі мекемелері келесі 19 мемлекеттік қызметтерді көрсететіндігін хабарлаймыз:

1) «Құжаттарды қабылдау және оларды Қазақстан Республикасының шет елдерде жүрген азаматтарына паспорттар жасауға жіберу»;

2) «Қазақстан Республикасының шетелдердегі мекемелерінің Қазақстан Республикасының азаматтығынан шығу жөніндегі құжаттарды ресiмдеуі»;

3) «Қазақстан Республикасынан тыс жерге уақытша жұмыспен кеткен және сол жерде тұрғылықты тұруға ниет білдірген Қазақстан Республикасы азаматтарының құжаттарын қабылдау және жолдау»;

4) «Шетелде баланың тууын мемлекеттік тіркеу»;

5) «Шетелде неке қиюды (ерлі-зайыпты болуды) мемлекеттік тіркеу»;

6) «Шетелде некені (ерлі-зайыптылықты) бұзуды мемлекеттік тіркеу»;

7) «Шетелде атын, әкесінің атын, тегін ауыстыруды мемлекеттік тіркеу»;

8) «Шетелде қайтыс болуды мемлекеттік тіркеу»;

9) «Қазақстан Республикасынан тыс жерде тұрақты және уақытша тұратын Қазақстан Республикасы азаматтарын есепке қою»;

10) «Қазақстан Республикасынан тыс жерде тұрақты және уақытша тұратын Қазақстан Республикасы азаматтарын есептен алу»;

11) «Жетім балаларды, ата-аналарының қамқорлығынсыз қалған балаларды асырап алуға тілек білдірген, Қазақстан Республикасының азаматтары болып табылатын, Қазақстан Республикасынан тыс жерде тұрақты тұратын адамдарды, шетелдiктердi есепке алу»;

12) «Қазақстан Республикасына кіруге және Қазақстан Республикасының аумағы арқылы транзиттік өтуге визалар беру, олардың мерзімін ұзарту»;

13) «Қазақстан Республикасының бейрезиденті болып табылатын және Қазақстан Республикасының аумағында инвестициялық қызметті жүзеге асыратын тұлғалар үшін инвесторлық визаны алуға өтінішхат беру»;

14) «Қайтып оралуға куәлікті ресімдеу»;

15) «Шетелдіктерге асырап алуға берілген Қазақстан Республикасының азаматтары болып табылатын балаларды (қыздарды) есепке алу»;

16) «Инвестицияларды жүзеге асыруды және инвестициялық преференциялар беруді көздейтін инвестициялық жобаны іске асыруға инвестициялық келісімшарт жасасу»;

17) «Құжаттарды заңдастыру»;

18) «Кеме шетелде сатып алынған жағдайда Қазақстан Республикасының Мемлекеттiк Туын көтеріп жүзу құқығына уақытша куәлiк беру»;

19) «Қазақстан Республикасының шетелде орналасқан кемелері апатқа ұшыраған жағдайда теңiз наразылығы туралы акт жасау».

Жоғарыда аталған мемлекеттік қызметтерді көрсету туралы қосымша ақпарат Қазақстан Республикасының Италиядағы Елшілігінің сайтында келесі сілтеме бойынша орналастырылған: https://www.gov.kz/memleket/entities/mfa-roma.

Бүгінгі күнге, Egov.kz «электрондық үкімет» порталы арқылы мемлекеттік қызметтердің 87%-дан астам электронды форматта қол жетімді. Мемлекет басшысының тапсырмасын іске асыру аясында 2020 жылдың соңына қарай электрондық форматта қолжетімді мемлекеттік қызметтердің жалпы саны 90%-ға жетеді.

Қосымша сұрақтар туындаған жағдайда, Қазақстан Республикасының Италия Республикасындағы Елшілігіне сайтта көрсетілген байланыстар арқылы хабарласуға болады.