Араб коалициясының Йеменде оқ атуды тоқтату шешіміне қатысты ҚР СІМ мәлімдемесі

Қазақстан Республикасының Сыртқы істер министрлігі Араб коалициясының біржақты түрде 2020 ж. 9 сәуірден бастап екі апта мерзімге Йемен Республикасында оқ атуды тоқтату бастамасына қошемет білдіреді. 

Біз бұл шешімнің йемен халқына COVID-19 коронавирустың таралу салдарына қарсы тұруға көмектесетініне, сондай-ақ оқ атуды түбегейлі тоқтату үшін қажетті жағдай жасауда және Йемендегі жанжалды жан-жақты қамтылған саяси жолмен реттеу бойынша келіссөздерді жандандыру жолындағы маңызды қадам болатынына үміт артамыз.