Қазақстан Елшісі САК Мемлекеттік инвестициялық қорының басшылығымен кездесті

2023 жылғы 24 қаңтарда Қазақстанның Сауд Арабиясындағы Елшісі Берік Арын Сауд Арабиясының Мемлекеттік инвестициялық қорының (PIF) Аппарат басшысы Саад Аль-Крудпен кездесті.

Кездесу барысында тараптар Қазақстан мен PIF арасындағы ынтымақтастықты кеңейту мәселелерін, соның ішінде түрлі салаларда бірлескен инвестициялық жобаларды жүзеге асыру мүмкіндігін талқылады.

PIF 1971 жылы құрылды және Корольдік пен аймақтағы өнеркәсіп пен инфрақұрылым саласындағы ұзақ мерзімді мемлекеттік және квазимемлекеттік жобаларды қаржыландырудың негізгі көздерінің бірі болып табылады. PIF жалпы активтері 600 миллиард АҚШ долларынан асатын әлемдегі ТОП-10 ең ірі әл-ауқат қорлардың бірі болып табылады, сондай-ақ Saudi Vision-2030 стратегиясын жүзеге асыру шеңберінде Корольдік экономикасын өзгертудің негізгі драйвері болып табылады. PIF-тің құрамына елдің ең құнды активтері, соның ішінде ең ірі Saudi Aramco мұнай компаниясы кіреді.