Сауд Арабиясының Сыртқы істер министрлігінде Қазақстан-Сауд ынтымақтастығының күн тәртібінде тұрған бірқатар мәселелер талқыланды

2021 жылғы 22 сәуірде Қазақстан Республикасының Сауд Арабиясындағы Елшісі Берік Арын Сауд Арабиясы Корольдігі Сыртқы істер министрінің саяси және экономикалық мәселелер жөніндегі орынбасары Айяд әл-Сақафимен кездесті.

Кездесу барысында дипломаттар Қазақстан-Сауд ынтымақтастығының күн тәртібінде тұрған бірқатар мәселелерді талқылап, оларды дамытудың жолдары бойынша пікір алмасты. Тараптар екі ел арасындағы достық қарым-қатынастарды кеңейту бағытында бірлесіп күш жұмсауға уағдаласты.