Латвия Республикасының Сыртқы істер министрлігіндегі кездесу

29 тамызда Латвияның Сыртқы істер министрлігінде Қазақстан Елшісі Тимур Пірімбетов Бірінші екіжақты қатынастар департаментінің директоры Катарина Платеремен кездесті.

Кездесу барысында дипломаттар екі елдің сыртқы саяси ведомстволары арасындағы алдағы саяси консультациялар, сондай-ақ Экономикалық, ғылыми және техникалық ынтымақтастық жөніндегі үкіметаралық комиссиясының кезекті отырысы аясында Қазақстан-Латвия қатынастары мәселелерінің барлық секторын жан-жақты талқылады.

Латвия тарапы Қазақстанмен екіжақты қарым-қатынас деңгейіне ризашылығын білдіріп, екі мемлекет арасындағы көпжақты ынтымақтастықты одан әрі ілгерілетуге мүдделілігін растады.

Кездесу соңында жоғарыда аталған іс-шараларды пысықтау шеңберінде байланыстарды өзектендіру уағдаластығына қол жеткізілді.