Латвия Сыртқы істер министрлігіндегі кездесу

2023 жылғы 30 мамырда Қазақстанның Латвиядағы Елшісі Тимур Пірімбетов Латвия Сыртқы істер министрлігінің Бірінші екіжақты қатынастар департаментінің директоры Катарина Платеремен кездесті.

Қазақстан-Латвия ынтымақтастығының өзекті мәселелері бойынша жан-жақты пікір алмасу өтті.

Т.Пірімбетов жоғары дәрежелі латвиялық дипломатты Қазақстан Республикасы Премьер-Министрінің орынбасары-Сыртқы істер министрі Мұрат Нұртілеудің Брюссельге сапарының қорытындылары (2023 жылғы 14-15 мамыр) және Еуропалық Одақ басшылығымен қол жеткізілген уағдаластықтар туралы хабардар етті.

Кездесуде сұхбаттасушылар Қазақстан мен Латвияда жоспарланған алдағы іс-шараларға: Астана Халықаралық форумына (2023 жылғы 8-9 маусым) және Орталық Азиядағы сауда бойынша USAID бағдарламасы аясында Қазақстан Республикасының, Орталық Азия елдерінің көлік саласы мен іскер топтары өкілдерінен тұратын Латвияға бизнес-миссияның өңірлік сапарына (2023 жылғы 12-16 маусым) ерекше назар аударды.

Астана Халықаралық Форумына Латвия Көлік министрлігінің Парламенттік хатшысы Каспарс Герхардс бастаған Латвия делегациясы қатысатындығын атап өткен жөн.

Кездесу соңында тараптар екіжақты өзара іс-қимылдың барлық спектрі бойынша елдер арасындағы қатынастарды жан-жақты нығайтуға мүдделілік пен ұмтылысты растады.