Латвия Ғылым академиясымен ынтымақтастық мәселелері талқыланды

2021 жылғы 20 тамызда Қазақстанның Латвиядағы Елшісі Тимур Пірімбетов Латвия Ғылым академиясының Президенті Иварс Калвиньшпен кездесу өткізді. Кездесуге Ғылым академиясының Экономика институтының директоры Нина Линде де қатысты.

Сұхбат барысында екі ел арасындағы ғылым мен инновация саласындағы өзара тиімді ынтымақтастықты одан әрі дамыту, Қазақстан мен Латвияның ғылыми орталары арасындағы өзара әрекеттестікті күшейту бойынша толық және мұқият пікір алмасу пайда болды.

И.Калвиньш Латвия Академиясының қызметі, фундаменталды және қолданбалы ғылымды дамытудың басым бағыттары, Латвияның экономикалық және технологиялық дамуына үлес қосатын жаратылыстану, техникалық, гуманитарлық және әлеуметтік ғылымдар мәселелері бойынша ғылыми жобалары туралы айтылды.

Т.Пірімбетов, өз кезегінде сұхбаттас тарапты еліміздің Президенті Қ.Тоқаевтың басшылығымен Қазақстанда жүргізілген саяси және әлеуметтік-экономикалық реформалары мен Қазақстанның отандық ғылымды дамыту бағытындағы жетістіктерімен таныстырды. Мысалға, COVID-19 қарсы отандық вакцинасын жасау мен өндіру жөнінде атап өтілді.

Тараптар қазақстандық және латвиялық ғалымдар арасындағы өзара қызығушылық пен байланыстың жоғары деңгейіне оң көзқарас танытты.

Кездесу аясында И.Калвиньш Латвия Ғылым академиясында 2021 жылғы 17 қыркүйекте өтетін «Болашақ экономикасы: 21 ғасырда Еуропа мен Балтық елдерінің алдында тұрған жаһанданудың қиындықтары» атты IV Халықаралық экономикалық форумға қатысуға шақырды.