Шетелдегі отандастар арасында «OQ Startup» үздік жобалар шығармашылық байқауының ЕРЕЖЕСІ
I. Байқаудың негізгі мақсаты
«OQ Startup» үздік жобалар байқауы ғылым, мәдениет, IT, бизнес, медиа, волонтерлік және басқа да шығармашылық және әлеуметтік бағыттағы жобаларға жан-жақты қолдау көрсетуге арналған байқау.
Негізгі мақсаты шетелдегі отандастар мен этникалық қазақтардың төл жобаларын Қазақстанда таныту, өзара байланыс орнатуына ықпал ету және шығармашылығына қолдау көрсету.
II. Байқауды ұйымдастыру және өткізу тәртібі
— Байқауға 15-30 жас аралығындағы шетел азаматы болып табылатын ұлты қазақ отандастар қатыса алады;
— Байқауға ғылым, мәдениет, IT, бизнес, медиа, волонтерлік және басқа да шығармашылық және әлеуметтік бағыттағы жобалар қабылданады;
— Қатысушы өз жобасын таныстыру үшін төмендегі материалдарды ұсынуы қажет:
1. Жобаның таныстырылымы:
— ұзақтығы 2 минуттан аспайтын көлденеңінен түсірілген MP3 немесе MOV форматындағы бейнеролик немесе көлемі 10 слайдтан аспайтын PPTX немесе PDF форматындағы презентация.
Бейнеролик немесе презентацияда жобаның негізгі мазмұны, өзектілігі, мақсаты, кімдерге бағытталғаны, іске асыру жолдары және күтілетін нәтижелері қысқаша әрі түсінікті түрде көрсетілуі тиіс.
2. Жоба туралы қысқаша анықтама (PDF форматында).
Анықтамада міндетті түрде келесі ақпараттар қамтылуы қажет:
— жобаның атауы;
— жобаның өзектілігі және шешуге бағытталған мәселесі;
— жобаның мақсаты;
— жобаның негізгі міндеттері;
— мақсатты аудиториясы (жоба кімдерге арналғаны);
— жобаны іске асыру тетігі және негізгі іс-шаралары;
— жобаны іске асыру мерзімі;
— күтілетін нәтижелері;
— жобаны іске асыру үшін қажетті ресурстар.
Егер жобаны іске асыру үшін қаржыландыру қажет болса, қатысушы PDF құжатында сұралатын қаражат көлемін және оның нақты сметасын көрсетуі тиіс. Сметада әрбір шығын бабының атауы, саны, бірлік құны және жалпы құны көрсетілуі қажет.
Ұсынылатын бейнеролик немесе презентация жобаны қысқа әрі нақты таныстыруға, ал PDF форматындағы анықтама жобаның мазмұнын толық түсіндіруге мүмкіндік беруі тиіс.
Байқауға іске асырылуы басталған, қазіргі уақытта жүзеге асырылып жатқан, сондай-ақ іске асырылуы жоспарланған жобалар қатыса алады.
Жоба бұрыннан іске асырылып жатқан жағдайда, қатысушы оның қазіргі нәтижелері, қол жеткізген көрсеткіштері және жобаны одан әрі дамыту жоспары туралы ақпарат ұсынуы қажет.
Ал іске асырылуы жоспарланған жоба бойынша оның мақсаты, міндеттері, іске асыру кезеңдері, мерзімі және күтілетін нәтижелері нақты көрсетілуі тиіс.
4. Жұмыстар Oqbaiqau@gmail.com эл-поштасында қабылданады;
5. Қатысушы жұмысын өзі туралы ақпаратпен қоса (Толық аты-жөні, азаматтығы, оқитын университеті мен курсы, жасы) 30 қазан 2026 ж. дейін жіберуі керек;
6. Қатысушы жұмысын жібере отырып Отандастар қорының әлеуметтік желілерінде (Facebook, Instagram, Telegram) және ресми сайтында жұмысының жариялануына келісім береді.
7. Байқауға жұмыстар қазақ, орыс немесе ағылшын тілінде қабылданады.
III. Байқау мерзімі
Байқауға шығармашылық жұмыстар 2026 жылғы 30 қыркүйектен бастап 30 қазанға дейін қабылданады. Қазылар алқасы байқау аяқталғаннан кейін 30 күннің ішінде жеңімпаздарды анықтайды.
IV. Байқаудың жұмысын қорытындылау және қатысушыларды марапаттау
Байқау қорытындысы бойынша үздіктер төмендегідей марапатталады.
— 1 орын – Ноутбук, диплом
— 2 орын – Планшет, диплом
— 3 орын – Смарт-сағат, диплом
— Ынталандыру сыйлығы: Үстел ойыны (Бестемше), марапаттау
2026 жылғы 15 наурызда республикалық референдумда қабылданған Қазақстан Республикасының Конституциясы, сондай-ақ «Қазақстан Республикасының Конституциялық Соты туралы» Конституциялық заң қазақ, орыс және ағылшын тілдеріндегі аудионұсқада қолжетімді.
Қазақстан Республикасының Конституциясы:
Қазақ тілінде:
https://www.gov.kz/org/ksrk/press/article/details/247111?lang=kk
Орыс тілінде:
https://www.gov.kz/org/ksrk/press/article/details/247111?lang=ru
Ағылшын тілінде:
https://www.gov.kz/org/ksrk/press/article/details/247111?lang=en
«Қазақстан Республикасының Конституциялық Соты туралы» Конституциялық заң:
Қазақ тілінде:
https://www.gov.kz/org/ksrk/press/article/details/248246?lang=kk
Орыс тілінде:
https://www.gov.kz/org/ksrk/press/article/details/248246?lang=ru
Ағылшын тілінде:
https://www.gov.kz/org/ksrk/press/article/details/248246?lang=en
Бұл бастама құқықтық ақпараттың қолжетімділігін арттыруға, конституциялық заңнамаға тең қолжетімділікті қамтамасыз етуге және инклюзивті ортаны дамытуға бағытталған. Ағылшын тіліндегі аудионұсқалар шетелдік аудиторияға Конституцияның негізгі ережелерімен және Конституциялық Соттың қызметін реттейтін заңнамамен танысуға мүмкіндік береді.
Қазақстан Республикасы Конституциялық Сотының ресми ақпараттық ресурстары:
Ресми сайт: https://www.gov.kz/org/ksrk?lang=kk
Telegram: https://t.me/consot_kz
Instagram: https://www.instagram.com/consud_kz
Oxford Economics ұсынған 2026 жылғы Global Cities Index рейтингінде Алматы 265-орынға, Астана 281-орынға ие болды. Рейтинг әлемнің 1 000 қаласын экономика, адами капитал, өмір сапасы, қоршаған орта және басқару көрсеткіштері бойынша бағалайды.
Қазақстандық қалалар адами капитал көрсеткіші бойынша жоғары нәтиже көрсетті: Алматы – әлемде 66-орында, Астана – 98-орында. Сондай-ақ Астана өңірлік маңызы жоғары қалалар санатына жатқызылды.
2026 жылғы 23-24 қыркүйекте Қазақстан Республикасының Марокко Корольдігіндегі Елшісі Сәулекүл Сайлауқызы Рабатта аккредиттелген Того Республикасының Елшісі Мессан Амакое Клутсемен, Гамбия Республикасының Елшісі Фодей Малангпен, Гвинея-Бисау Республикасының Елшісі Филомена Мендешпен, Мали Республикасының Елшісі Фафре Камарамен және Сьерра-Леоне Республикасының Елшісі Момоду Коромамен бірқатар кездесулер өткізді.
Қазақ дипломаты сұхбаттасушыларды Қазақстанның сыртқы саяси басымдықтарымен және жүргізіліп жатқан саяси және экономикалық реформалардың барысымен таныстырды. Елші Астананың Африка мемлекеттерімен қарым-қатынасты дамытуға үлкен мән беретінін және құрлықты болашағы зор әріптес ретінде қарастыратынын атап өтті. Бұған Того, Гвинея-Бисау, Конго Республикасы, Руанда, Конго Демократиялық Республикасы мен Кения президенттерінің, сондай-ақ Буркина-Фасо, Сьерра-Леоне және басқа да елдердің сыртқы істер министрлерінің Қазақстанға жақында жасаған сапарлары дәлел ретінде келтірді.
Африкалық елшілер Қазақстанда жүргізіліп жатқан саяси өзгерістерге жоғары баға берді. Олардың пікірінше, Қазақстан қарқынды дамып келеді, ал оның тәжірибесі көптеген мемлекеттер үшін үлкен қызығушылық тудырады. Сондай-ақ, дипломаттар соңғы жылдары Қазақстанның әлемдегі және өз елдеріндегі беделі мен танымалдығы айтарлықтай артқанын атап өтті.
Тараптар соңғы жылдардағы екіжақты байланыстардың оң серпінін қанағаттанушылықпен атап өтті. Сауда-экономикалық әріптестіктің әлеуетіне, сондай-ақ ауыл шаруашылығы, энергетика, цифрландыру, білім беру және мәдениет салаларындағы ынтымақтастық мүмкіндіктеріне ерекше назар аударылды.
Әңгімелесушілер жаһандық және өңірлік күн тәртібінің өзекті мәселелері бойынша да пікір алмасты. Халықаралық ұйымдар, оның ішінде БҰҰ, ИЫҰ және АҚИҰ аясындағы өзара іс-қимыл жеке талқыланды.
Кездесулер қорытындысы бойынша тараптар саяси диалогты одан әрі нығайтуға, сауда-экономикалық байланыстарды кеңейтуге және практикалық ынтымақтастықты арттыруға мүдделігін растады.
Қазақстан Елшілігі Мароккомен қарым-қатынасты дамытумен қатар Того, Буркина-Фасо, Габон, Гвинея-Бисау, Мали және Сьерра-Леоне елдерімен екіжақты өзара іс-қимыл мәселелеріне жетекшілік етеді.