Қазақстан мен ОАР, білім саласындағы ынтымақтастығын жандандыруға ниетті.
Жоғары білім саласындағы өзара іс-қимылымызды дамыту аясында, 2019 жылғы үшінші тоқсанда ҚР-дың ОАР-дағы Елшісі К.Тумыш пен Оңтүстік Африка Республикасының Жоғары білім, ғылым және технологиялар министрі доктор Бонгинкоси Эммануэль «Блейд» Нзиманде арасында, Қазақстанның ОАР-мен жоғары білім және ғылым саласындағы ынтымақтастық туралы екіжақты келісім жасасу мүмкіндігін зерделеу, сондай-ақ студенттермен алмасу және алдыңғы қатарлы технологиялар саласындағы бірлескен ғылыми-зерттеу жобаларын жүзеге асыру арқылы екі елдің ЖОО арасындағы байланыстарды одан әрі нығайтуға жағдай жасау жөніндегі түбегейлі уағдаластыққа қол жеткізілді.
Мәдени және ғылыми ынтымақтастықтың ең маңызды нәтижесі ретінде Қазақстанда ОАР-дың Тұңғыш Президенті Нельсон Мандела еңбектерінің қазақ тілінде жарық көруі және ОАР-да Әл-Фараби туралы зерттеулердің ағылшын тілінде басылуы болды. 2019 жылы, «Рухани жаңғыру» бағдарламасы аясында, Абайдың әдеби мен Әл-Фарабидің ғылыми мұрасының жауһарларын (өнердегі үздік туындыларын), ОАР-да ағылшын тілінде жариялау бойынша бірлескен жобаны іске асыру қатысты оңтүстікафрикалық тараппен тиісті жұмыс басталды.