Чехия Қазақстанмен парламентаралық ынтымақтастықты дамытуға мүдделі

Прага, 2025 жылғы 20 қаңтар – Қазақстанның Чехиядағы Елшісі Бақыт Дүйсенбаев Чех Республикасының Парламенті Депутаттары палатасының Вице-спикері Алеш Юхелкамен кездесті. Әңгіме барысында Қазақстан мен Чехия арасындағы екіжақты қарым-қатынастарды дамыту, оның ішінде екі ел парламенттері арасындағы ынтымақтастықты нығайту перспективалары талқыланды.

Б.Дүйсенбаев чех депутатын соңғы кезеңдегі әртүрлі салалардағы екіжақты Қазақстан-Чех өзара іс-қимылының қорытындыларымен және оларды одан әрі тереңдету жоспарымен таныстырды. Дипломат Қазақстан мен Еуропалық одақтың көлік және логистика, сыни шикізат және энергия тасымалдаушылар саласындағы өзара тиімді ынтымақтастығының елеулі әлеуетін атап өтті.

Сонымен қатар, чех тарапына Мемлекет басшысы бастамашылық еткен реформалардың барысы туралы ақпарат берілді. Атап айтқанда, Парламенттің рөлін күшейту, өңірлердің өкілеттіктерін кеңейту, сондай-ақ Қазақстан халқының әл-ауқатын жақсарту жөніндегі шаралар атап өтілді.

Халықаралық күн тәртібі аясында Елші Қазақстанның Орталық Азия өңірінде және жаһандық деңгейде бейбітшілік пен қауіпсіздікті сақтау жөніндегі күш-жігерін атап өтті.

А.Юхелка Қазақстанның ішкі саяси саладағы, сондай-ақ халықаралық аренадағы жетістіктерін жоғары бағалап, қазақстандық әріптестерімен тығыз қарым-қатынас орнатуға қызығушылық білдірді.