Чех сарапшылары Қазақстандағы парламенттік сайлаудың қорытындыларын жоғары бағалады

Прага қаласында 2023 жылдың 24 наурызында – Чех
Республикасының Сыртқы істер министрлігінің өкілдері, Парламент
Сенатының депутаттары, Прага аналитикалық институттарының жетекші
сарапшылары, Чех Республикасының бұқаралық ақпарат құралдарының
өкілдері Қазақстан парламентіне сайлау қорытындыларын талқылады.
Чех сарапшылары жалпы парламентаризмнің даму
перспективаларын, сондай-ақ Қазақстан мен Чехия арасындағы екіжақты
саяси, мәдени-гуманитарлық ынтымақтастықты одан әрі нығайту мен
дамытуды талқылады.
Масариков университеттің саяси ғылымдар докторы, профессор Ян
Швец өз сөзінде: «Қазақстан парламентінің төменгі палатасына сайлаудың
ерекшелігі - олар Қазақстан Президенті Қасым-Жомарт Тоқаев
бастамашылық еткен Әлеуметтік және саяси реформалардың негізгі
құрамдас бөлігі болып табылады. Реформалар Қазақстан азаматтарының
құқықтары мен бостандықтарын қорғауды нығайтуға, биліктің өкілді
органдарында саяси көзқарастардың алуан түрлілігін қамтамасыз етуге
бағытталған».
Әлеуметтану ғылымдарының докторы, Карлов университетінің
профессоры Славомир Хорак: «Қазақстан Еуропалық Одақ үшін
стратегиялық маңызды әріптес болып табылады, саяси тұрақтылық пен
үдемелі, сенімді дамудың өңір үшін маңызы зор. Қазақстан
демократиялық сайлау өткізді, әлемдік халықаралық саяси институттар
парламенттік сайлаудың ашықтығы мен бәсекелестігін растады, бұл
тұрақтылық пен орнықты дамуды одан әрі нығайту үшін маңызды қадам
екені сөзсіз».
Чех саясаттанушылары, жетекші сарапшылар өз сөздерінде:
«Қазақстан Республикасы Чехия үшін саяси институттардың, азаматтық
қоғамның, үкіметтік емес ұйымдардың қалыптасуы мен дамуы
тұрғысынан қызықты.» Іс-шара соңында қазақстандық дипломаттар
журналистердің барлық сұрақтарына жауап берді.

Қазақстан Республикасының
Чех Республикасындағы Елшілігі