Құрметті Қазақстан Республикасының азаматтары!
(№1 ақпараттық хат)
Әртүрлі елдерде таралған эпидемиологиялық жағдайдың шиеленісуіне және Чехияда коронавирустың жаңа түрінің (COVID-19) анықталуына байланысты, Прагадағы Қазақстан Елшілігінің Консулдық бөлімі азаматтарды Дүниежүзілік денсаулық сақтау ұйымының (ДДСҰ) ұсыныстарын ұстануға шақырады. Ұсыныстармен келесі сілтеме арқылы тансуға болады: https://www.who.int/kz/emergencies/diseases/novel-coronavirus-2019/advice-for-public
Егер сіз өзіңізді жайсыз сезінсеңіз, тез арада медициналық көмекке жүгініп, қосымша ақпаратты төменде көрсетілген телефондар арқылы елшіліктің консулдық бөліміне жеткізуіңізді сұраймыз.
Сонымен қатар, тиімді өзара әрекеттесу және ақпаратпен алмасу үшін Қазақстан Республикасының Чехиядағы Елшілігінде консулдық есепке тіркелуге шақырамыз, есепке онлайн режимінде kazconsulprague@gmail.com электрондық поштасы арқылы тіркелуге болады.
Қазақстан Республикасының Прагадағы Елшілігінде, Қазақстан Республикасының азаматтары үшін тәулік бойы «жедел желі» жұмыс істейді: +420 776 474 354.
Сондай-ақ, Қазақстан Республикасы Сыртқы істер министрлігінде «жедел желі» қосулы: жұмыс уақытында Қазақстан азаматтары келесі нөмірлері арқылы байланыса алады: +7 (7172) 72-05-49, + 7 (7172) 72-01-98, +7 (7172) ) 72-04-93. Демалыс және мереке күндері: +7 (7172) 72-01-11.
Қазақстан Республикасы Денсаулық сақтау министрлігінде (ҚР аумағынан қоңырау шалу үшін), +7 (7172) 76-43-80 (ҚР аумағынан және шетелден қоңырау шалу үшін) Қазақстан Республикасы азаматтары тәулік бойы байланыса алатын 1406 сall-центр құрылды. Осы нөмірлер арқылы әлемде короновирустың таралуы туралы, сондай-ақ алдын алу шаралары және аурудың негізгі белгілері туралы барлық қажетті ақпаратты алуға болады.
Чех Республикасындағы Қазақстан Республикасы Елшілігінің Консулдық бөлімі