Визалық сұрақтар:

• Черногория Үкіметінің ресми шешіміне сәйкес, 2026 жылғы 1 мамырдан 1 қазанға дейін Қазақстан азаматтары Черногорияға 30 күнге дейін визасыз кіруге, ел аумағында болуға және транзитпен өтуге мүмкіндік алады.

  🔷 Негізгі шарттар:

  ✅Жарамады шетелдік төлқұжат болуы қажет (паспорттың мерзімі Черногориядан шығатын күннен кейін кемінде 3 айға жарамды болуы тиіс).

  ✅Ел аумағында 30 күннен артық болған жағдайда виза талап етіледі.

• Тіркеу туралы ақпарат

  Қазақстан Республикасының азаматтарын қоса алғанда, барлық шетелдік азаматтар Черногорияда болған жерінде міндетті түрде тіркелуі тиіс.

  Тіркеу мерзімі – елге келгеннен кейін 24 сағат ішінде. Бұл талап визасыз режимде келген туристерге де, виза арқылы келгендерге де қатысты.

  Тіркеуді мына жерлерде рәсімдеуге болады:

  • қонақ үйде тұрған кезде,
  • болған жердегі Туристік ұйымның өкілдігінде,
  • Черногория полиция бөлімшесінде.

  Тіркеу процедурасы ақылы болып табылады. Уақытында тіркелмеу немесе тіркеудің болмауы әкімшілік жауапкершілікке және айыппұл санкцияларына әкеп соғады.

Медициналық сақтандыру:

• Медициналық сақтандыру полисін сатып алуы сапар кезінде жазатайым оқиғадан сақтандыруға және сақтандыру жағдайы басталған кезде күтпеген медициналық шығындардан аулақ болуға мүмкіндік береді.

    «Туристі міндетті сақтандыру туралы»

Шетелге оқуға, жұмысқа немесе тұрақты тұруға барған жағдайда

• Құжаттарыңызға алдын ала апостиль мөрін қою керек. Бұл, ең алдымен, білім туралы құжаттарға, АХАТ органдары берген куәліктерге, мүліктік қатынастарға және әлеуметтік қамсыздандыру мәселелеріне қатысты құжаттарға қатысты.

Консулдық есеп туралы:

• Оқу, жұмыс немесе тұрақты тұру мақсатымен Черногорияға келген қазақстандық азаматтарға Черногориядағы Қазақстан Республикасының Бас консулдығында консулдық есепке тұру ұсынылады.
• Консулдық есепке қою Қазақстанға бармай-ақ көптеген мәселелерді шешуге мүмкіндік береді (сайлау мен референдумдарға қатысу, паспортты ресімдеу, азаматтық хал актілерін тіркеу және т.б.), сондай-ақ болу мемлекетінде әскери іс-қимылдар, жаппай тәртіпсіздіктер, дүлей зілзалалар туындаған жағдайда сіздің эвакуацияңызды жеңілдетеді.

Құқық қорғау органдарымен ұсталған жағдайда сіздің іс-әрекетіңіз:

• Күтпеген жағдайлар туындаған жағдайда (жергілікті құқық қорғау органдарының ұстауы, басқа адамдар тарапынан қорқыту, жол-көлік оқиғалары және т.б.) Сіз болу мемлекетінде қазақстандық консулдық мекеменің қызметкерімен кездесуді талап етуге құқығыңыз бар.
• ҚР консулдық мекемесінің қызметкерлері болмаған кезде шет тілінде қандай да бір Хаттамаларға және өзге де құжаттарға қол қоймаңыз.