Меню
Қазақстан Республикасының Подгорица қаласындағы Бас консулдығы ашылғалы бері Қазақстан мен Черногория арасындағы байланыстарды нығайтуға бағытталған бірқатар мәдени-гуманитарлық іс-шаралар ұйымдастырылып келеді. Солардың ішінде ең елеулі оқиғалардың бірі – 2025 жылғы 24 шілдеде Черногория Ұлттық кітапханасында өткен Абай орталығының салтанатты ашылуы болды. Бұл шара қазақтың ұлы ақыны, ойшылы әрі ағартушысы Абай Құнанбайұлының 180 жылдығына арналды. Абай орталығы мәдени ынтымақтастықтың айқын көрінісіне айналып, білім мен шығармашылық бастамаларды қолдайтын жаңа орта болып отыр.
Орталыққа келгендер Абай шығармаларының түрлі тілдердегі басылымдарымен, оның өмірі мен мұрасына арналған аудио-бейнематериалдармен, қазақ мәдениеті мен өнерінің үлгілерімен, сондай-ақ Қазақстандағы тарихи ескерткіштер мен табиғи көрікті жерлердің фотосуреттерімен таныса алады. Абай орталығы екі ел арасындағы мәдени-гуманитарлық байланыстарды тереңдетуге ықпал етеді.