Құрметті Қазақстан Республикасының азаматтары!
Осы жадынама Тайланд Королдігіне баратын Қазақстан Республикасы азаматтарына арналған және шетелге сапар барысында қиындықтардың алдын алуға көмектесетін жалпы ережелерді, практикалық ұсыныстар мен маңызды мәліметтерді қамтиды.
| Визалық сұрақтар | • Қазақстан мен Тайланд арасында визасыз режим орнатылған. • ҚР азаматтары үшін елге кірген сәттен бастап 30 күнтізбелік күнге дейін болуға рұқсат етіледі, жалпы алғанда, әрбір 180 күндік кезең ішінде 90 күннен аспауы тиіс. |
| Паспорттың жарамдылығы | • Паспорттың жарамдылық мерзімі Тайландқа келген күнінен бастап кемінде 6 ай болуы тиіс. • Паспорттың жыртылған немесе бүлінген беттері Тайландқа кіруден бас тартуға негіз болуы мүмкін. Сапарға шықпас бұрын құжаттың күйін тексеріңіз. |
| Кедендік бақылау | • 20 мың АҚШ долларынан асатын қолма-қол ақшаны алып келген жағдайда декларация толтыру қажет. • 1 литр алкоголь және 200 дана темекі (немесе 250 г темекі) әкелуге рұқсат етіледі. Белгіленген нормадан асып кету айыппұл салуға және тауарлардың тәркіленуіне әкелуі мүмкін. • Нашақорлық заттарды, қару-жарақты, порнографиялық материалдарды, электронды темекілер мен олардың сұйықтықтарын әкелуге тыйым салынады. • Мәдени құндылықтарды, антиквариат заттарын, сирек кездесетін өсімдіктер мен жануарларды әкелу және әкету тек тиісті рұқсат құжаттары болған жағдайда мүмкін. • Дәрі-дәрмектерді әкелуге шектеу қойылған: құрамында психотроптық заттар бар препараттар тыйым салынған. Өзіңізбен бірге дәрігердің рецептісі немесе анықтамасы болуы тиіс. |
| Медициналық сақтандыру | • Тайландта болған кезеңге медициналық сақтандыру полисін сатып алу ұсынылады. Бұл сақтандыру жағдайы орын алған жағдайда медициналық қызметтерге кететін едәуір шығындардан сақтануға мүмкіндік береді. |
| Эпидемиялық ахуал | • Тайландта уақыт сайын денге безгегі және басқа да тропикалық инфекциялардың өршуі тіркеледі. Сондықтан масаларға қарсы құралдарды қолдану ұсынылады. • COVID-19-ға қарсы вакцинация міндетті емес, бірақ эпидемиологиялық жағдайдың өзгеруіне байланысты кіру үшін талап етілуі мүмкін. |
| Қалыптасқан тәртіп нормалары | • Корольдік отбасыға құрмет көрсетіңіз – кез келген дөрекі сөздер мен әрекеттер қылмыстық жауапкершілікке әкелуі мүмкін. • Храмдарда тәртіп ережелерін сақтаңыз: жабық киім кию, кірген кезде аяқ киім шешу, монахтарға (әсіресе әйелдерге) қол тигізуге тыйым салынған. • Мотоцикл жүргізушілері мен жолаушыларының шлем киюі міндетті. • Қоғамдық орындарда, соның ішінде жағажайларда темекі шеккен үшін айыппұл салынуы немесе қамауға алынуы мүмкін. |
| Пайдалы ақпарат | • Көлік: Тайландта сол жақпен жүру ережесі бар. Жолда абай болыңыз. • Байланыс: Интернетке қол жеткізу үшін жергілікті SIM-картасын (AIS, TrueMove, DTAC) сатып алу ұсынылады. • Төлем жүйелері: Visa, Mastercard, сондай-ақ жергілікті қызметтер (PromptPay) арқылы төлем жасауға қабылданады. |
| Шетелге оқуға, жұмысқа немесе тұрақты тұруға барған жағдайда | • Құжаттарыңызды алдын ала заңдастырыңыз, оның ішінде дипломдар, туу туралы куәліктер және неке туралы куәліктер. |
| Консулдық есеп | • Жақын орналасқан Қазақстанның дипломатиялық өкілдігіне немесе консулдық мекемеге консулдық есепке тұру ұсынылады. • Консулдық есепке тұру сізге уақытылы көмек көрсетуге мүмкіндік береді, сондай-ақ, елде соғыс әрекеттері, жаппай тәртіпсіздіктер немесе табиғи апаттар туындаған жағдайда эвакуацияны жеңілдетеді. |
| Құқық қорғау органдарымен ұсталған жағдайда | • Құқық қорғау органдарымен ұсталған жағдайда дипломатиялық өкілдікке немесе консулдық мекемеге хабарласыңыз. |