Қазақстанның Франциядағы Елшісі Гүлсара Арыстанқұлова Париждің 8-ші және 17-ші округтерінің мэрлері Катрин Лекюйе мен Жоффруа Булармен кездесті.
Г.Арыстанқұлова мемлекеттік институттарды нығайтуға және орнықты әлеуметтік-экономикалық дамуды қамтамасыз етуге бағытталған ауқымды саяси және институционалдық реформалар туралы баяндады.
Француз тарапы Қазақстанда жүргізіліп жатқан өзгерістерге, сондай-ақ оның ішкі және сыртқы саясатына ерекше қызығушылық танытты. Қазақстанның теңгерімді әрі сындарлы тәсілдерге негізделген сыртқы саясатына, сондай-ақ Франциямен стратегиялық әріптестікті одан әрі нығайту перспективаларына ерекше назар аударылды.
Астана мен Париж арасындағы Ынтымақтастық туралы пактінің
алдағы бес жылдығы аясында тараптар муниципалдық өзара іс-қимылды
дамыту перспективаларын және іскерлік, мәдени және білім беру
салаларындағы бірлескен бастамаларды іске асыру мүмкіндіктеріне назар аударылды.
Кездесу қорытындысы бойынша тараптар алдағы кезеңге арналған
ынтымақтастықтың нақты бағыттарын айқындап, бірқатар бірлескен іс-
шаралар мен бастамаларды пысықтауға уағдаласты.
35 мыңға жуық тұрғыны бар 8-округ – Париждің 20 әкімшілік округінің бірі әрі Франция астанасының негізгі іскерлік, дипломатиялық және әкімшілік аудандарының бірі. Оның аумағында маңызды мемлекеттік, дипломатиялық, мәдени және іскерлік нысандар, соның ішінде Қазақстанның Франциядағы Елшілігі орналасқан. Париждің солтүстік-батысында орналасқан 17-округ – 200 мыңға жуық тұрғыны бар астананың ірі тұрғын және іскерлік аудандарының бірі. Округтің аумағында Елшілік соңғы үш жыл бойы «Қазақ ауылы» («Village kazakh») жобасын жүзеге асырып
келеді.
Париж, 2026 жылғы 23 қыркүйек – Францияның халықаралық және стратегиялық қатынастар институтында (IRIS) Қазақстан Республикасы Тәуелсіздігінің 35 жылдығына арналған «Қазақстан – көпполярлылықжағдайындағы еуразиялық орта держава» тақырыбында конференция өтті.
Конференцияда Шығыс тілдері мен өркениеттері ұлттық институтының (INALCO) Орталық Азия тарихы профессоры Катрин Пужоль, Париж-Саклеуниверситетінің оқытушысы Адриен Фов және IRIS ғылыми қызметкері, «Энергетика және шикізат ресурстары» бағдарламасының тең жетекшісі Сами Рамдани сөз сөйледі. Пікірталасқа IRIS зерттеулер жөніндегі директоры, Посткеңестік кеңістіктің геосаяси обсерваториясының жетекшісі Люка Обен модераторлық етті. Қорытынды сөзді Қазақстанның Франциядағы Елшісі Гүлсара Арыстанқұлова сөйледі.
Талқылау барысында қалыптасып келе жатқан көпполярлыхалықаралық қатынастар жүйесіндегі Қазақстанның рөлі, оның дипломатиясының ерекшеліктері, әлемнің жетекші күш орталықтарымен қарым-қатынасы, сондай-ақ энергетикалық қауіпсіздік, көлік байланыстылығы және өңірлік ынтымақтастық мәселелері қарастырылды.
К.Пужоль Қазақстанның сыртқы саясатының дәйектілігі мен прагматикалық сипатын, елдің халықаралық диалог алаңы ретіндегі рөлін, сондай-ақ ядролық қарусыздану мен таратпау ісіне қосқан үлесін атап өтті.
А.Фов Қазақстанның тәуелсіздіктің 35 жылы ішінде қол жеткізген негізгі сыртқы саяси жетістіктеріне шолу жасап, қазақ-француз қатынастарының дамуына, елдің екіжақты және көпжақты форматтардағы белсенді дипломатиясына, соның ішінде «Орталық Азия +» тетіктеріне қатысуына және Астананың халықаралық диалог алаңы ретіндегі өсіп келе жатқан рөліне назар аударды.
С.Рамдани Қазақстан геосаясатының энергетикалық қырларына тоқталып, энергетикалық ауысу, атом энергетикасы, әріптестік пен экспорттық бағыттарды әртараптандыру мәселелерін, сондай-ақ Қазақстанның Еуропаның энергетикалық қауіпсіздігі мен Орта дәлізді дамытудағы маңызын атап өтті.
Қорытынды сөзінде Елші Г.Арыстанқұлова Қазақстандағы саяси және институционалдық өзгерістер, соның ішінде жаңа Конституцияның күшіне енуі, бір палаталы Парламенттің жұмысын бастауы және Халық кеңесінің құрылуы туралы баяндады. Реформалардың мемлекетті одан әрі жаңғыртуға, оның институттарын нығайтуға және орнықты әлеуметтік-экономикалық дамуды қамтамасыз етуге бағытталғаны атап өтілді.
Қазақстандық дипломат сондай-ақ Қазақстанның орта держава ретіндегі рөлінің артып келе жатқанын және ұлттық мүдделер мен өзара тиімді ынтымақтастыққа негізделген теңгерімді әрі прагматикалық сыртқы саясатын атап өтті. Сонымен қатар Қазақстан мен Франция арасындағы стратегиялық әріптестікті одан әрі нығайтудың перспективаларына назар аударылды.
Конференция француз жұртшылығының зор қызығушылығын тудырып, оған 200-ге жуық адам, соның ішінде сарапшылар мен талдаушылар, іскер топтардың өкілдері, IRIS тыңдаушылары, француз жоғары оқу орындарының студенттері мен докторанттары қатысты. Пікірталас барысында Елші мен спикерлер аудиторияның Қазақстан сыртқы саясатының өзекті мәселелеріне қатысты сұрақтарына жауап берді.
Париж, 2026 жылғы 14 қыркүйек – Қазақстанның Франциядағы Елшілігі Қызылорда облысының өкілдері, қазақстандық аспаздар мен өнерпаздардың қатысуымен 10–13 қыркүйек аралығында Париждегі Конкорд алаңында өткен Х Халықаралық гастрономия фестивалінде Қазақстан павильонын ұйымдастырды. Қазақстан аталған фестивальге екінші жыл қатарынан қатысты.
Ұлттық павильон қонақтарды Қазақстанның бай мәдени және гастрономиялық мұрасымен таныстыратын алаңға айналып, фестивальдегі ең көп адам жиналған павильондардың бірі болды.
Келушілер қазақша еттен, қуырдақтан, жаңа піскен бауырсақтан, сондай-ақ Қызылордадан арнайы жеткізілген қазы мен жаядан дәм татты. Ұлттық тағамдарды белгілі қазақстандық аспаздар, соның ішінде шеф-аспаздар Расим Қонаев, Манас Ысқақ, Қарлығаш Баймұхамедова дайындады. Олар қонақтарға қазақ асханасының тарихы, ерекшеліктері мен дәстүрдегі орны туралы айтып берді.
Париждегі Le Cordon Bleu аспаздық мектебінің түлегі Сабина Танатарованың ұлттық нақыштағы авторлық десерттері де көпшіліктің ерекше қызығушылығын тудырды. Десерттерде талқан, сүтті шай және дала мәдениетін бейнелейтін өзге де дәстүрлі дәмдер қолданылды.
Фестиваль қонақтарына Қызылорда облысынан келген «Сырғалым» ансамблі қазақтың әні мен биін ұсынып, ұлттық киімдердің әсемдігін таныстырды. Өнерпаздардың жарқын қойылымдары Қазақстан павильонында ерекше мерекелік көңіл күй қалыптастырды.
Фестиваль күндері Қазақстан павильонына Париж қаласының мэрі Эммануэль Грегуар, Париждің 8-округінің мэрі Катрин Лескюр, белгілі француз аспаздары, дипломатиялық корпус өкілдері, Париж тұрғындары мен қала қонақтары келді.
Франция Президентінің жоғары қамқорлығымен өткен Х Халықаралық гастрономия фестиваліне әлемнің 80-нен астам елі қатысты. 2026 жылғы фестивальдің қамқоршысы әлемге әйгілі француз шеф-аспазы Ален Дюкасс болды.
Қазақстанның фестивальге қатысуы ұлттық тағамдар мен мәдени дәстүрлерді француз жұртшылығына кеңінен таныстыруға, сондай-ақ Қазақстан мен Франция арасындағы мәдени-гуманитарлық байланыстарды одан әрі нығайтуға мүмкіндік берді.
Париж, 2026 жылғы 8 қыркүйек – Қазақстанның Франциядағы Елшісі Гүлсара Арыстанқұлова Францияның Еуропа және сыртқы істер министрлігі Континенттік Еуропа департаментінің жаңадан тағайындалған директоры Арно Гийуамен кездесу өткізді.
Тараптар Қазақстан-Франция қатынастарының жоғары қарқынын және екі ел арасындағы күшейтілген стратегиялық әріптестіктің белсенді дамуын атап өтті. Жоғары деңгейдегі өзара сапарлар мен екі ел президенттері арасындағы сенімге негізделген диалог екіжақты ынтымақтастықты дамытуға тұрақты серпін беріп отырғаны атап өтілді.
Г.Арыстанқұлова француз тарапын Қазақстандағы ауқымды жаңғырудың негізгі бағыттарымен, конституциялық реформалардың барысымен және Құрылтай сайлауының қорытындыларымен таныстырды.
Өз кезегінде А.Гийуа Францияның өңірдегі аса маңызды стратегиялық әріптесі – Қазақстанмен жан-жақты ынтымақтастықты одан әрі дамытуға мүдделі екенін растады. Қазақстан Президентінің бітімгершілік күн тәртібін ілгерілетудегі көшбасшылық рөлін, сондай-ақ Астананың халықаралық диалог пен ынтымақтастықты дамытуға қосып отырған елеулі үлесін ерекше атап өтті.
Экономикалық бағытта энергетика, су шаруашылығы, өнеркәсіп, цифрлық технологиялар және туризм салаларындағы өзара іс-қимылды одан әрі кеңейтудің әлеуеті атап өтілді. Француз инвестицияларының Қазақстан экономикасына салынған жиынтық көлемі 21 млрд АҚШ долларынан асты. Қазақстан мұнайының халықаралық нарықтарға үздіксіз әрі қауіпсіз жеткізілуін қамтамасыз етуге баса назар аудара отырып, энергетикалық және көлік қауіпсіздігі мәселелері жеке талқыланды.
Ғарыш саласындағы ынтымақтастық аясында тараптар Қазақстанның өкілді делегациясының 9-10 қыркүйекте Парижде өтетін алғашқы Халықаралық ғарыш саммитіне қатысуын атап өтті.
Кездесу барысында 17-19 қыркүйекте Францияда өтетін Қазақстанның мәдениет күндеріне ерекше назар аударылды. Мәдени бағдарлама аясында қазақстандық фильмдер көрсетіліп, екі елдің жетекші музейлері, кітапханалары, мәдениет мекемелері мен креативті индустрия өкілдерінің қатысуымен Қазақстан-Франция дөңгелек үстелі ұйымдастырылады. Сондай-ақ Париждегі Мариньи театрында «Қазақстан жұлдыздары» атты гала-концерт өтеді.
Көпжақты бағытта халықаралық күн тәртібіндегі өзекті мәселелер және көпжақты ынтымақтастықты, диалог пен халықаралық қауіпсіздікті нығайтуға бағытталған Қазақстанның бастамалары бойынша пікір алмасу өтті. Қазақстан Елшісі француз тарапын Францияның БҰҰ Қауіпсіздік Кеңесіне төрағалығымен құттықтады.
Кездесу қорытындысы бойынша тараптар белсенді саяси диалогты жалғастыруға және Қазақстан-Франция стратегиялық әріптестігін одан әрі жан-жақты нығайтуға өзара бейілділігін растады.
Париж, 2026 жылғы 27 шілде – Қазақстанның Франциядағы Елшісі Гүлсара Арыстанқұлова Францияның Еуропа және сыртқы істер министрлігінің Бас хатшысы Мартен Бриенспен кездесу өткізді.
Кездесу барысында тараптар Қазақстан мен Франция арасындағы нығайтылған стратегиялық әріптестіктің қазіргі ахуалы мен оны одан әрі дамыту мәселелерін талқылап, екіжақты, өңірлік және халықаралық күн тәртібіндегі өзекті мәселелер жөнінде пікір алмасты.
Сонымен қатар, сауда-экономикалық, инвестициялық және энергетикалық ынтымақтастыққа ерекше назар аударылды. Энергетика, өнеркәсіп, көлік, авиация, туризм, су ресурстарын басқару және орнықты даму салаларында Францияның жетекші компаниялары қатысып жатқан бірлескен жобалардың табысты жүзеге асырылып жатқаны және өзара іс-қимылдың оң қарқынмен дамып келе жатқаны атап өтілді.
Сондай-ақ тараптар екіжақты шарттық-құқықтық базаны одан әрі жетілдіру және мемлекеттік органдар арасындағы өзара іс-қимылды кеңейту мәселелерін қарастырды.
Мәдени-гуманитарлық байланыстарды нығайту аясында тараптар биылғы күзде Парижде өтетін Қазақстанның Франциядағы мәдениет күндерін құптап, бұл іс-шаралардың екі ел халықтарын жақындастыруға және гуманитарлық ынтымақтастықты кеңейтуге елеулі үлес қосатынын атап өтті.
Сұхбаттастар Біріккен Ұлттар Ұйымы және өзге де халықаралық ұйымдар шеңберіндегі ынтымақтастықты жалғастырудың маңыздылығын растап, халықаралық гуманитарлық құқық қағидаттарын ілгерілету мен тиімді көпжақты дипломатияны нығайту бағытындағы өзара іс-қимылды жалғастыруға дайын екендіктерін білдірді.
Кездесу қорытындысында тараптар Қазақстан мен Франция арасындағы стратегиялық әріптестікті одан әрі нығайтуға және өзара қызығушылық тудыратын мәселелер бойынша тұрақты саяси диалогты жалғастыруға бейілді екендіктерін қуаттады.
«Әлеуметтік медициналық сақтандыру қоры» КЕАҚ (бұдан әрі – Қор) Қазақстан Республикасының «Міндетті әлеуметтік медициналық сақтандыру туралы» Заңының (бұдан әрі – МӘМС туралы Заң) талаптарының сақталуын қамтамасыз ету, сондай-ақ шетелдік білім беру ұйымдарында білім алуына байланысты елден тыс жерге шығатын және шетелде жүрген Қазақстан Республикасы азаматтарының міндетті әлеуметтік медициналық сақтандыруға (бұдан әрі – МӘМС) жарналары бойынша берешегінің қалыптасуына жол бермеу мақсатында төмендегіні хабарлайды.
МӘМС туралы Заңның 26-бабы 1-тармағының 13) тармақшасына сәйкес «орта, техникалық және кәсіптік, орта білімнен кейінгі, жоғары білім беру, сондай-ақ жоғары оқу орнынан кейінгі білім беру ұйымдарында күндізгі оқу нысанында білім алып жатқан адамдар» үшін міндетті әлеуметтік медициналық сақтандыруға жарналарды мемлекет төлейді.
Қазақстан Республикасы Денсаулық сақтау министрінің 2020 жылғы 29 желтоқсандағы № ҚР ДСМ-333/2020 бұйрығымен бекітілген Міндетті әлеуметтік медициналық сақтандыру жүйесінде медициналық қызметтерді тұтынушыларды есепке алуды жүргізу және медициналық көмек алуға құқық беру қағидаларының 48-тармағына сәйкес «шетелдік, орта, техникалық және кәсіптік, орта білімнен кейінгі, жоғары білім беру, сондай-ақ жоғары оқу орнынан кейінгі білім беру ұйымдарында күндізгі оқу нысанында білім алып жатқан адамдардың» (бұдан әрі – студенттер) тізімі Қазақстан Республикасы Еңбек және халықты әлеуметтік қорғау министрлігінің ақпараттық жүйесінде Қазақстан Республикасы Ғылым және жоғары білім министрлігінің (бұдан әрі – ҚР ҒЖБМ) ақпараттық жүйесінен алынатын мәліметтер негізінде қалыптастырылады.
Осылайша, азаматтардың жеңілдікті санаттарының тізімін қалыптастыру Қордың құзыретіне кірмейді.
Қор сақтандырылған мәртебесін ақпараттық жүйеде уәкілетті мемлекеттік органдардан келіп түсетін жеңілдікті санаттағы азаматтар туралы мәліметтер негізінде автоматты түрде береді.
Сонымен қатар, тәжірибеде шетелдік білім беру ұйымдарында оқитын көптеген студенттердің ақпараттық жүйеде «студенттер» жеңілдікті санаты бойынша тіркелмейтіндігі байқалады. Соның салдарынан олар МӘМС жүйесі шеңберінде медициналық көмек алу мүмкіндігінен айырылады.
Бұл ретте Қазақстан Республикасына келгеннен кейін аталған азаматтар шетелдік білім беру ұйымдарында оқитын студент ретінде тіркелу жөніндегі мемлекеттік қызметті алу үшін жүгінуге мәжбүр болады. Мемлекеттік қызметті көрсетудің белгіленген мерзімін ескере отырып (15 жұмыс күніне дейін) МӘМС жүйесінде медициналық көмекке қол жеткізу Қазақстан Республикасының аумағында болған кезеңде іс жүзінде мәліметтерді өзектендіру рәсімі аяқталғанға дейін мүмкін болмай біршама уақытты талап етеді.
Осыған байланысты, Франциядағы жоғары оқу орнында білім алатын студент ретінде оқу орнының анықтамасын қоса бере отырып, міндетті әлеуметтік медициналық сақтандыру жүйесіндегі медициналық қызметтерге қол жеткізу үшін (Қазақстан Республикасы Ғылым және жоғары білім министрлігі көрсететін мемлекеттік қызмет болып табылады) электрондық үкіметтің egov.kz порталында алдын ала тіркелу мүмкін екендігін Францияда білім алып жүрген студенттерге хабарлаймыз. Осылайша студент 1-курста оқып жүрген кезінде электрондық үкіметтің egov.kz порталында тіркеліп денсаулығын сақтандырғаны абзал.
Осыған байланысты, Қазақстан Республикасының заңнамасын сақтау және МӘМС бойынша жарналар жөніндегі ықтимал берешектің қалыптасуының алдын алу мақсатында, осы ақпаратты Францияда жоғарғы білім беру орындарында білім алып жүрген студенттерге хабарлауды жөн санаймыз.
Құрметті отандастар!
Париж, 2026 жылғы 25 маусым - Франция Президенті Шарль де Голльдің Байқоңыр ғарыш айлағына жасаған тарихи сапарының 60 жылдығына орай Қазақстанның Франциядағы Елшілігінің қызметкерлері Коломбэ-ле-Дёз-Эглиз коммунасына барды. Бұл мекен Францияның көрнекті мемлекет қайраткері Шарль де Голльдің өмірі мен саяси қызметімен тығыз байланысты.
Шарль де Голль 1966 жылғы маусымда Кеңес Одағына жасаған ресми сапары барысында Байқоңырға барған алғашқы шетелдік көшбасшы болды. Ол кеңестік ғарыш бағдарламасының жетістіктерімен танысты.
Коломбэ-ле-Дёз-Эглизде Қазақстанның Франциядағы Елшісі Гүлсара Арыстанқұлова коммуна мэрі Паскаль Бабуға француз президентінің Байқоңыр ғарыш айлағына жасаған сапарын бейнелейтін мұрағаттық фотосуреттерді табыстады. Фотосуреттерде француз көшбасшысын сол кездегі Қазақ КСР Компартиясы Орталық Комитетінің бірінші хатшысы Дінмұхамед Қонаевтың қарсы алған сәті бейнеленген.
Коммуна басшысы генерал де Голльдің Қазақстанға сапары екі ел халықтары арасындағы қарым-қатынастың адами өлшемін айқындайтын маңызды оқиға екенін атап өтті. Оның айтуынша, бұл сапар халықтар арасындағы ұрпақтан-ұрпаққа жалғасқан достық пен байланыстардың айқын көрінісі болып табылады.
Гүлсара Арыстанқұлова Бесінші Француз Республикасының негізін қалаушыға құрмет ретінде Астанада ескерткіш орнатылып, оның есімі көше мен мектепке берілгенін атап өтті.
Кездесу барысында қазақстандық дипломат пен Паскаль Бабу Қазақстан мен Франция арасындағы стратегиялық әріптестіктің қазіргі жай-күйі мен оны одан әрі дамыту перспективаларын талқылады. Елші Қазақстанның тәуелсіздік жылдарындағы жетістіктері туралы айтып, соңғы жылдары жүзеге асырылып жатқан ауқымды реформалар мен конституциялық өзгерістерге ерекше тоқталды. Өз кезегінде коммуна мэрі Қазақстанның дамуы жөнінде жақсы хабардар екенін көрсетіп, елімізге келуге ниетті екенін білдірді.
Коломбэ-ле-Дёз-Эглиз коммунасында қазақстандық дипломаттар генерал Шарль де Голльдің зиратына гүл шоқтарын қойып, оның рухына тағзым етті. Делегация сондай-ақ Шарль де Голль мемориалы мен оның Ла Буассери резиденциясында болып, Францияның Бесінші Республикасының негізін қалаушының өмірі мен қызметіне арналған көрмемен танысты.
Париж, 2026 жылғы 23 маусым - Қазақстанның Франциядағы Елшісі Гүлсара Арыстанқұлова Париж қаласы әкімінің халықаралық және еуропалық қатынастар, сондай-ақ франкофония мәселелері жөніндегі жаңа орынбасары Одрэ Пульвармен кездесті.
Кездесу барысында тараптар Астана мен Париж арасындағы Ынтымақтастық пактісінің алдағы 5 жылдығы аясында екі қала арасындағы серіктестікті одан әрі дамыту перспективаларын талқылады. Мәдениет саласындағы ынтымақтастықты нығайтуға ерекше назар аударылып, екі ел арасындағы гуманитарлық байланыстарды тереңдетуге бағытталған концерттер, фестивальдер және өзге де мәдени іс-шараларды өткізу мәселелері қарастырылды. Сонымен қатар, екі қаланың мәдени мекемелері арасындағы байланыстарды кеңейтуге және олардың тарихи-мәдени мұрасын ілгерілетуге ықпал ететін жаңа бастамаларды жүзеге асыру мүмкіндіктері талқыланды.
Кездесу қорытындысында тараптар қазақс-француз ынтымақтастықты нығайтуға бағытталған бірлескен жобалар мен бастамаларды іске асыру, сондай-ақ әріптестік байланыстарды одан әрі кеңейтуге өзара мүдделілігін растады.
Еске сала кетейік, 2021 жылғы 6 желтоқсанда Париж қаласында Астана мен Париж арасындағы Ынтымақтастық пактісіне қол қойылған болатын. Құжатта екі астананың экономика, мәдениет, білім беру, қоршаған ортаны қорғау және қалаларды дамыту салаларындағы өзара іс-қимылының негізгі бағыттары айқындалған.