Абай Құнанбайұлының 175-жылдығы жылында Парижде түркітілдес мемлекеттердің ЮНЕСКО жанындағы Тұрақты өкілдерінің ТЮРКСОЙ Бас хатшысымен кездесуі өтті

Париж, 2020 ж. 11 қыркүйегі – Қазақстан тарапының бастамасымен
Парижде Түркі мәдениетінің халықаралық ұйымының (ТЮРКСОЙ) Бас
хатшысы Дүйсен Қасеиновтің түркітілдес мемлекеттердің Біріккен
ұлттардың білім, ғылым және мәдениет жөніндегі ұйымының жанындағы
тұрақты өкілдерімен кездесуі өтті.
Кездесуге қатысушылар 2021 жылы Әзербайжан, Қазақстан,
Қырғызстан, Түрікменстан мен Өзбекстан тәуелсіздігінің 30-жылдығын
мерекелеу аясында ТЮРКСОЙ-ға мүше мемлекеттердегі мәдени және табиғи
мұра нысандарын таныстыру мақсатында ЮНЕСКО штаб пәтерінде
бірлескен іс-шараларды өткізу жоспарларын талқыға салды.
Іс-шара аясында Д. Қасейінов ЮНЕСКО алаңында түркі мәдениеті мен
өнерін ілгерілетуге қосып жүрген елеулі үлесін атап өту мақсатында
ЮНЕСКО Бас конференциясының Төрағасы – Түркияның Тұрақты өкілі
Алтай Ченгизерді ТЮРКСОЙ қазақтың ғұлама ақыны мен ойшылының 175-
жылдығына орай тағайындаған «Абай» естелік медалімен марапаттады.
Кездесу ТЮРКСОЙ басшысының Материалдық емес мәдени мұраны
қорғау жөніндегі Конвенцияның VIII Бас ассамблеясы аясына қатысуының
аясында өтті. Д. Қасеинов ЮНЕСКО Бас директорының мәдениет жөніндегі
орынбасары Эрнесто Оттоне Рамиреспен келіссөздер өткізіп, сұхбаттасымен
әлемнің түркітілдес және басқа да халықтардың ортақ мұраларын қорғау
және насихаттау саласында көкейкесті бастамалар мен жобаларды жүзеге
асыруда өзара қолдау мүмкіндіктері бойынша пікір алмасты.