Қазақстан Вуарон қаласында өткен 41-ші әлемдік мәдениеттер фестивалінде таныстырылды

Вуарон, 15 июля 2024 года -  Алматы облысының "Алатау әуендері" концерттік бірлестігінің "Құлансаз" фольклорлық-этнографиялық ансамблі Қазақстанды Вуарон қаласында өткен 41-ші әлемдік мәдениеттер фестивалінде таныстырды. "Құлансаз" ансамблінің қатысуы Қазақстанның Франциядағы Елшілігінің қолдауымен "Сальморенк халық мәдениетінің өнері мен дәстүрлері" Француз қауымдастығының (L'Association Arts et Traditions populaires Salmorenc) шақыруымен ұйымдастырылды.

Жыл сайынғы іс-шарада қазақстандық әртістер еліміздің бай мәдениеті мен мұрасын көпшілікке таныстырды, атап айтқанда, қазақ билерін, белгілі күйші-композиторлардың шығармаларын орындады.

Фестиваль қатысушы елдердің дәстүрлерін көрсететін түрлі мәдени іс-шараларға толы достық жағдайда өтті. Биыл халықаралық іс-шараға Мысыр, Мексика, Ирландия, Филиппин сияқты елдер қатысты.

Жыл сайын 5 құрлықты білдіретін 5-6 ұжым шақырылады. Фестиваль барысында оған 150-ден астам шетелдік труппалар мен 3500-ден астам бишілер, әншілер мен музыканттар қатысты. Іс-шараның мақсаты - шоулар мен көрмелер арқылы қарым-қатынас пен пікір алмасудың мерекелік рухымен бөлісуге мүмкіндік беру.