Францияда Еуропаны азат ету үшін қаза тапқан кеңес жауынгерлерін еске алды
22 маусымда фашист басқыншыларынан Францияны азат ету кезінде қаза болған кеңес сарбаздарының құрметіне Нуайе-Сен-Мартэн (Уаз департаменті) коммунасында орнатылған ең үлкен мемориалға гүл шоқтарын қою рәсімі өтті.
Әзербайжан, Армения, Беларусь, Ресей, Сербия, Тәжікстан, Түрікменстан және Өзбекстан дипломатиялық миссиялар және әскери атташе аппараттарының басшылары, сондай-ақ Франция Республикасы Ұлттық Ассамблея депутаттары, жергілікті билік органдарының жетекшілерімен бірге, қазақстандық дипломаттар мен әскери қызметкерлер қаза тапқан батырларға құрмет көрсетті. Жыл сайынғы 9 мамырда дәстүрлі түрде өткізілетін іс-шара коронавирус пандемиясына орай кейінге қалдырылып, Екінші дүниежүзілік соғыстың басталу күніне ауыстырылды.
1981 жылы құрылған Нуайе-Сен-Мартэн жауынгерлік қорымы Франциядағы ең үлкен кеңестік әскери зират болып табылады. Бұл жерде француздардың қарсыластары қатарында фашистік басқыншыларға қарсы соғысқан 4643 Қызыл Армия жауынгерлерінің қалдықтары жерленген. Кеңес әскерлері мен офицерлерінің сүйектері мемориалдық зиратқа 1980 жылы Францияның солтүстік-шығыс бөлігіндегі көптеген жерлеу орындарынан әкелінді. «Франциямен бірге басқа елдерден фашистерге қарсы соғысқан одақтастарының құрамы - бұл біздің тарихымызда біршама жетіспейтін дүние… Біз бұл туралы айтуымыз керек!», - деді Кароль Бюро-Боннар, Бесінші Республика парламентінің төменгі палатасындағы Франция-Қазақстан достық тобы төрағасының орынбасары. Ал Нуайе-Сен-Мартэн коммунасының мэрі Жак Тэньель: «Рәсім керемет өтті! Ол француз жерінде қайтыс болған барлық ерлер мен әйелдерді еске түсірді», - деп аттап өтті.