Парижде Ұлттық домбыра күні атап өтілді

Париж, 2023 жылғы 1 шілде - Ұлттық домбыра күні мерекесі қарсаңында Қазақстанның Франциядағы Елшілігі концерт ұйымдастырды, оның барысында Қазақстанның еңбек сіңірген қайраткері, музыкалық конкурстар мен фестивальдердің лауреаты, «Өнертану» қауымдастығының профессоры Ерболат Мұстафаевтың орындауындағы танымал да, сирек күйлер де орындалды.

Мерекелік концертке қазақ және қырғыз диаспораларының, Франциядағы қазақстандық азаматтар мен студенттерді біріктіретін, қауымдастықтардың өкілдері қатысты.

Қазақстан Елшісі Гүлсара Арыстанқұлова мен Қырғызстан Елшісі Садык Шер-Нияз сөз сөйлеп, домбыраның ұлттық қазынасының бірі, сондай-ақ екі бауырлас халықты біріктіретін музыкалық аспап ретіндегі ерекше маңызын атап өтті. 

 

Іс-шара барысында Е.Мұстафаев Құрманғазы, Дәулеткерей, Нұрғиса Тілендиев, Әбдімомын Желдібаев сияқты қазақ халқының атақты күйшілердің шығармаларын орындады. Оның домбырадағы керемет ойыны көрермендердің қошеметіне бөленіп, оған әр шығарманың тарихымен танысуға мүмкіндік берді. Сонымен қатар, домбырашы қонақтарға осы ежелгі аспаптың тарихы туралы айтып, халық композиторларымен байланысты қызықты оқиғалармен бөлісті.

Мәдени шараға қатысқан қазақстандықтар мен диаспора өкілдері де көрермендерге осы ұлттық аспапты меңгеру шеберлігінің жоғары деңгейін көрсетті. Олар бір мезетте «Көңіл толқыны» және «Балбырауын» танымал күйлерін бірге орындады.

Қонақтар көшімет көрсетіп, күйші биске шақырылып, Н.Тілендиевтің «Ата толғауы» және Құрманғазының «Адай» атты күйлерін орындады. Бұл іс-шара Қазақстанның мәдени мұрасын елден тыс жерлерде насихаттау және сақтау жөніндегі кең бастаманың бір бөлігі болып табылады