Францияда азат етуші жауынгерлері еске алынды

Парижден жүз шақырым жерде орналасқан Нуайе-Сен-Мартэн коммунасында Франциядағы Кеңес әскерлері мен әскери тұтқындардың ең үлкен қорымы орналасқан. Мұнда Еуропаны фашистік басқыншылардан азат ету үшін өмірін қиған 4670 сарбаздың қалдықтары жерленген. Дәл осы жерде жыл сайын батырлары бір мақсат үшін иін тіресе соғысқан елдер елшіліктерінің қатысуымен бейбіт өмір мен бостандықты бейнелейтін ескерткішке гүл шоқтарын қою рәсімі өтеді.

Біз халқымыздың ерлігін еске алып, болашақ ұрпақ үшін осы естелікті сақтауымыз керек. 1941-1945 жылдары соғыс майданында Қазақстан халқының 20 пайызы шайқасты, олардың үштен бірі қаза тапты. 528 қазақстандық Кеңес Одағы Батырының Алтын жұлдызына ие болды. 100 мыңға жуық адам басқа да жоғары әскери марапаттарға ие болды. Соғыс жылдары Қазақстан өз жерінде бір жарым миллион депортацияланған және эвакуацияланған адамдарды қабылдады. Сол соғыста қаза тапқан қазақстандықтардың санын американдық және британдық сарбаздардың жалпы санымен салыстыруға болады.

Батырларға мәңгілік естелік!