Париж төрінде Наурыз сән-салтанатымен атап өтілді
2022 жыл 17 наурыз, Париж - Наурызды мерекелеу қарсаңында Қазақстанның Франциядағы Елшілігінің аумағында көктемнің үш айының символы ретінде үш алма ағашын отырғызу рәсімі өтті. Бұл ежелгі мерекені кеңінен атап өтіп, ғасырлар бойы бейбітшілік, өзара түсіністік пен ынтымақтастықтың әмбебап құндылықтарын болашаққа жеткізетін ортақ дәстүрлерді бөлісетін ЮНЕСКО жанындағы 11 елдің (Әзербайжан, Ауғанстан, Үндістан, Ирак, Иран, Қырғызстан, Пәкістан, Тәжікстан, Түркменстан, Түркия және Өзбекстан) тұрақты өкілдіктері бірауыздан қолдаған іс-шара қазақстандық тараптың бастамасымен ұйымдастырылды.
Өзінің құттықтау сөзінде Қазақстан Республикасының Франциядағы Елшісі, ЮНЕСКО жанындағы Тұрақты өкілі Жан Ғалиев еліміздің халықаралық аренасындағы үлкен шиеленіс кезеңінде осындай символикалық ишаратпен олардың бейбітшілік пен келісімде бірге өмір сүруге ұмтылысын көрсеткенін атап өтті. «Ағаш тамырлары арқылы бірігу мен шоғырланумен, сондай - ақ әр түрлілікпен және бұтақтары арқылы жылу мен жарыққа ұмтылумен байланысты», - деді ол.
Өз кезегінде, ЮНЕСКО Бас директорының орынбасары Николас Джеффрис Қазақстанның теңдессіз бастамасын жылы шыраймен қарсы алып, халықтар арасындағы бейбітшілікті бейнелейтін және ұйымның мақсаттарымен байланысты екенін бұл іс-шараның ЮНЕСКО үшін маңызы зор екенін атап өтті. Сонымен қатар, бұл іс-шара маңызды экологиялық түрткіге ие.
Наурызды тойлау көптеген салт-жоралар, рәсімдер мен мәдени іс-шаралар үшін тамаша себеп болып табылады. Біздің ата-бабаларымыз ерекше құрметтейтін осындай рәсімдердің бірі ағаш отырғызу болды және солай болып қала береді.
Бұл бастаманы француздық Dalival тәлімбағының басшылығы қолдаған үш жас көшет мейірімді түрде берілді. Бұдан былай олардың тамырларын еліміздің Париждегі Елшілігінің аумағында және бұрын Алматыдан әкелінген алма ағашының маңайында «Қазақстан жеріне» жайғаны символдық мәні бар.
Сол күні ЮНЕСКО-ның штаб-пәтерінде бірлескен дәстүрлі салтанатты қабылдау өтті, оған ұйым басшылығы және оның жанында тіркелген мүше мемлекеттердің дипломатиялық миссиялары, Францияда тұратын Наурыз мейрамын тойлайтын халықтардың диаспораларының ғылыми және шығармашылық қоғамдастығының өкілдері қатысты.
ЮНЕСКО-ның Бас директоры Одрэ Азуле құттықтау сөз сөйлеп, баршаны Наурыз мерекесімен шын жүректен құттықтап, бұл тамаша мереке бүкіл адамзаттың маңызды мәдени игілігі болып табылатынын атап өтті.
Қабылдау аясында Наурыз мейрамын тойлайтын елдердің дәстүрлі салт-дәстүрлері мен ұлттық тағамдары ұсынылды. Концерттік бағдарламаға Қазақстанның Франциядағы Елшілігі жанында қызмет ететін «Қорқыт-Абай» қазақ мәдени орталығының оқытушылары белсенді қатысты. Олардың орындауында Ықылас Дүкенұлы, Тілеп Аспантайұлы, Нұрғиса Тілендиев және Әбдімомын Желдібаев күйлері қобыз бен домбырада шырқалды. Ал біздің дастархан басында қонақтар бауырсақ, қазы, манты, самса, құрт, жент, чак-чак және Наурыз-көжеден дәм татты.
БҰҰ Бас Ассамблеясының 2010 жылы қабылданған 64/253 қарарына сәйкес, жыл сайын 21 наурызда әлемдік қоғамдастық Халықаралық Наурыз күнін атап өтілетінін естеріңізге сала кетейік.
ЮНЕСКО-да Наурызды тойлау дәстүрлері Әзірбайжан, Ауғанстан, Үндістан, Ирак, Иран, Қазақстан, Қырғызстан, Пәкістан, Тәжікстан, Түрікменстан, Түркия және Өзбекстанның бірлескен ұсынысы ретінде Адамзаттың материалдық емес мәдени мұрасының репрезентативтік тізіміне кіреді.