Қазақстан ЮНЕСКО-ның субсидиарлық органдарына сайланды

Париж, 2021 жылғы 18 қараша – Парижде өтіп жатқан ЮНЕСКО Бас конференциясының 41-ші сессиясы барысында Қазақстан Республикасы дауыс беру нәтижелері бойынша осы Ұйымның субсидиарлық органдарының құрамына сайланды, атап айтқанда 2021-2025 жылдарға Халықаралық гидрологиялық бағдарламаның (ХГБ) Үкіметаралық кеңесінің және Коммуникацияны дамытудың халықаралық бағдарламасының (КДХБ) Үкіметаралық кеңесінің мүшелері болып сайланды.

ХГБ Үкіметаралық кеңесі төрт жылдық мерзімге сайланатын   ЮНЕСКО-ға мүше 39 мемлекеттен тұрады. Қазақстан Республикасы су ресурстары жөніндегі халықаралық міндеттемелерді орындау үшін барлық күшін жұмсайды және ҮГБ мүшесі ретінде өз қызметінде өңірлік және жаһандық деңгейлерде су мәселелерін шешу бойынша прогреске қол жеткізуге ықпал ететін болады.

ҚДХБ Үкіметаралық кеңесі төрт жылдық мерзімге де сайланатын ЮНЕСКО-ға мүше 39 мемлекеттен тұрады. ҚДХБ - дамушы елдерде БАҚ-ты талқылау және дамытуға жәрдемдесу үшін халықаралық қоғамдастықты жұмылдыруға бағытталған БҰҰ жүйесіндегі жалғыз көпжақты форум болып табылады.

Дипломаттар мен сарапшылардың ЮНЕСКО-ға мүше мемлекеттермен жүйелі жұмысының арқасында Қазақстанның жоғарыда аталған органдарға сайлануы біздің ЮНЕСКО сияқты беделді ұйымның алаңындағы белсенді және жауапты қатысушы ретіндегі рөлімізді мойындайтынымызды куәландырады.