Балалардың деректерін паспортқа енгізу

Балалардың деректерін паспортқа енгізу туралы ақпарат

2013 жылғы 29 қаңтардағы «Жеке басты куәландыратын құжаттар туралы» ҚР Заңына сәйкес, Қазақстан Республикасының паспорттарына он алты жасқа дейінгі балалар туралы жазба, тек ата-аналарымен бірге шетелге шыққан жағдайларда ғана, фотосуреттері жапсырылып енгізіледі

Қазақстан азаматының паспортына баланың деректерін енгізу үшін Қазақстан Республикасының Париждегш Елшілігінің консулдық бөліміне жеке өзіңіз келесі құжаттарды тапсыруыңыз қажет:

1. белгіленген үлгідегі өтініш;
2. ата-аналарының паспорттың түпнұсқасы және көшірмелер;
3. неке қию туралы куәліктің түпнұсқасы және көшірмесі;
4. баланың туу туралы куәлігінің түпнұсқасы және көшірмесі;
5. баланың фотосуреті 3,5х4,5 көлемінде – 2 дана;
6. баланың деректерін ата-анасының біреуінің паспортына енгізуге қарсылығы жоқ екендігі жөніндегі екінші ата-анасының нотариуспен куәландырылған қазақ немесе орыс тіліне аударылған келісімі.

Ескерту: консулдық бөлімге ата-анасының екеуі де жүгінген жағдайда, жұбайының- зайыбының келісімін нотариуспен растаудың қажеті жоқ.

Консулдық алым –15 евро, төлем жасау банктік карта арқылы (қолма-қол ақша қабылданбайтына назар аударамыз)

Балалардың деректерін паспортқа енгізу мерзімі – 1 жұмыс күні.