2026 жылы 9 қыркүйекте жұмыс сапары аясында Қазақстан Республикасының Омбы қаласындағы Бас консулы Керім Қуандыкқұлы Кожамбердиевтің Красноярск өлкесінің Губернаторы Михаил Котюковпен кездесуі өтті.
Кездесу барысында тараптар Қазақстан мен Красноярск өлкесі арасындағы өңіраралық ынтымақтастықтың қазіргі жағдайы мен даму перспективаларын талқылап, сауда-экономикалық және инвестициялық өзара іс-қимылға ерекше назар аударды. Іскерлік байланыстарды одан әрі кеңейтуге, өзара тиімді кооперацияның жаңа бағыттарын айқындауға және бірлескен жобаларды іске асыруға мүдделілік білдірілді.
Сондай-ақ өнеркәсіп, ауыл шаруашылығы және қайта өңдеу, көлік және логистика, туризм, сондай-ақ мәдени-гуманитарлық ынтымақтастық салаларындағы өзара іс-қимыл перспективаларына назар аударылды. Тікелей өңіраралық байланыстарды дамыту және іскерлік әрі қоғамдық орта арасындағы практикалық өзара іс-қимылды кеңейтудің маңыздылығы атап өтілді.
Жұмыс сапары барысында Бас консул «Енисей Сібірін дамыту корпорациясы» автономды коммерциялық емес ұйымы (КРЕС) Бас директорының орынбасары – инвестициялық даму дирекциясының басшысымен кездесті.
Кездесу барысында Бас консул Қазақстан Республикасының инвестициялық әлеуеті, инвестицияларды өзара тарту мүмкіндіктері, сондай-ақ Қазақстан-Ресей инвестициялық ынтымақтастығының перспективалы бағыттары туралы хабардар етті. Тараптар перспективалы инвестициялық жобалар мен инвесторларды қолдау шаралары туралы ақпарат алмасу, сондай-ақ мүдделі компаниялар мен ұйымдар арасында тікелей байланыстар орнатуға жәрдемдесу мәселелерін талқылады.
Сонымен қатар Керім Кожамбердиев Ресей Федерациясы Сыртқы істер министрлігінің Красноярск қаласындағы Өкілдігінің басшысы Михаил Алексеевич Белоконмен кездесу өткізді.
Тараптар консулдық өзара іс-қимыл және өңірдегі Қазақстан азаматтарының мүдделерін қорғау мәселелері бойынша жұмыс байланыстарын жалғастырудың маңыздылығын атап өтті.
Кездесулер қорытындысы бойынша тараптар сауда-экономикалық, инвестициялық және мәдени-гуманитарлық ынтымақтастықты одан әрі дамыту, перспективалы жобалар мен инвестициялық мүмкіндіктер туралы ақпарат алмасу, сондай-ақ Қазақстан мен Красноярск өлкесінің іскер топтары арасында тікелей байланыстар орнатуға жәрдемдесу мақсатында жұмыс байланыстарын тұрақты негізде қолдауға уағдаласты.
2026 жылы 8 қыркүйекте жұмыс сапары аясында Қазақстан Республикасының Омбы қаласындағы Бас консулы Керім Қуандықұлы Қожамбердиев Хакасия Республикасының Басшысы Валентин Олегович Коноваловпен кездесті.
Іс-шараға Хакасия Республикасы Үкіметінің мүшелері, сондай-ақ Хакасия Республикасы Сауда-өнеркәсіп палатасының Президенті Владимир Александрович Сорокин қатысты.
Кездесу барысында тараптар Қазақстан мен Хакасия Республикасы арасындағы өңіраралық ынтымақтастықтың қазіргі жай-күйі мен даму перспективаларын талқылады. Сауда-экономикалық және инвестициялық байланыстарды кеңейту, өзара тауар айналымын ұлғайту, іскерлік орта өкілдері арасында тікелей байланыстар орнату және бірлескен жобаларды іске асыру мәселелеріне ерекше назар аударылды.
Бас консул ресейлік тарапты Қазақстанның инвестициялық әлеуетімен, қолданыстағы мемлекеттік қолдау шараларымен, сондай-ақ бизнес жүргізу және инвестициялық жобаларды іске асыру үшін елімізде жасалған қолайлы жағдайлармен таныстырды. Екі ел кәсіпкерлері арасындағы тікелей өзара іс-қимылды кеңейтуге және хакас компанияларын Қазақстандағы жобаларды іске асыруға тартуға мүдделілік білдірілді.
Сауда-экономикалық ынтымақтастық саласында Хакасия Республикасы өкілдері өздерінің ет өнімдерін, оның ішінде жылқы және қой етін Қазақстан нарығына жеткізуді ұлғайтуға қызығушылық білдірді.
Ынтымақтастықтың перспективалы бағыттарының бірі ретінде «Ангаро-Енисейская долина» қоры аясындағы өзара іс-қимыл атап өтілді. Хакасия тарапы мүдделі қазақстандық компаниялармен өзара іс-қимыл жасауға және олардың Қор аясында іске асырылатын перспективалы жобаларға қатысу мүмкіндіктерін қарастыруға дайын екенін білдірді.
Кездесу барысында цифрлық технологиялар саласындағы ынтымақтастықтың перспективалары да талқыланды. Хакасия Республикасы Сауда-өнеркәсіп палатасының басшылығы Қазақстанның «Деректерді өңдеу орталықтары (ДӨО) алқабын» құру тәжірибесін зерделеуге қызығушылық білдірді. Тараптар тәжірибе алмасуға және бейінді ұйымдар арасында байланыс орнатуға жәрдемдесуге дайын екендерін білдірді.
Туризм саласындағы ынтымақтастықты дамытуға да ерекше назар аударылды. Қазақстан мен Хакасия өңірлерінің туристік әлеуетін таныстыру бойынша презентациялар ұйымдастыру, сондай-ақ туристік операторлар мен бейінді ұйымдар арасындағы өзара іс-қимылды жолға қою перспективалары атап өтілді.
Гуманитарлық және мәдени өзара іс-қимыл мәселелеріне ерекше көңіл бөлінді. Хакасия Республикасының Құрманғазы атындағы Қазақ ұлттық консерваториясымен (Алматы қ.) жемісті ынтымақтастығы атап өтілді. Кәсіби және шығармашылық байланыстарды одан әрі дамытуға, бірлескен мәдени іс-шаралар өткізуге және ұлттық музыкалық мәдениетті сақтау саласында тәжірибе алмасуға қызығушылық білдірілді.
Кездесу қорытындысы бойынша тараптар Қазақстан мен Хакасия Республикасы арасындағы ынтымақтастықты одан әрі нығайтуға және сауда-экономикалық, инвестициялық, өнеркәсіптік, цифрлық, туристік және мәдени-гуманитарлық салалардағы нақты бірлескен бастамаларды іске асыруға өзара мүдделіліктерін растады.
2026 жылы 3 қыркүйекте Қызыл қаласында Қазақстан Республикасының Омбы қаласындағы Бас консулы К.Қ.Қожамбердиевтің Тыва Республикасының Басшысы В.Т.Ховалыгпен кездесуі өтті.
Кездесу барысында Қазақстан мен Тыва Республикасы арасындағы өңіраралық байланыстардың қазіргі жай-күйі және оларды одан әрі нығайту перспективалары қаралды. Өңірлер арасындағы тікелей байланыстардың достық және тату көршілік қатынастарды нығайтудағы, сондай-ақ практикалық өзара іс-қимылды кеңейтудегі маңызы атап өтілді.
Сауда-экономикалық және инвестициялық өзара іс-қимылға, оның ішінде тауар айналымын ұлғайтуға, кәсіпкерлер арасында тікелей байланыстар орнатуға және бірлескен жобаларды іске асыруға ерекше назар аударылды.
Ауыл шаруашылығы саласында мал шаруашылығы, ет өнімдерін өндіру және қайта өңдеу, сондай-ақ жүнді өңдеу бағыттарындағы ынтымақтастық мүмкіндіктері сөз болды. Тараптар бейінді кәсіпорындар мен ұйымдар арасында тәжірибе алмасуға және іскерлік байланыстар орнатуға қызығушылық білдірді.
Көлік-логистика саласында өңірлер арасындағы қатынасты жақсарту, оның ішінде Қазақстан мен Тыва Республикасы арасында тікелей әуе қатынасын ұйымдастыру мүмкіндігі қарастырылды. Мұндай бағыттың ашылуы іскерлік, туристік және гуманитарлық байланыстарды жандандыруға мүмкіндік беретіні атап өтілді.
Туризм саласында туристік әлеуетті өзара ілгерілету, туристік ағындарды ұлғайту, бейінді ұйымдар арасындағы байланыстарды кеңейту және бірлескен бастамаларды іске асыру мәселелеріне назар аударылды.
Гуманитарлық бағытта білім, мәдениет, ғылым және жастар саясаты салаларындағы өзара іс-қимылды жандандыру перспективалары қаралды. Білім беру және мәдениет мекемелері арасындағы байланыстарды кеңейтуге, бірлескен іс-шаралар өткізуге және гуманитарлық байланыстарды нығайтуға басымдық берілді.
Тыва Республикасының Басшысы В.Т.Ховалыг Қазақстанмен өңіраралық байланыстарды одан әрі нығайтуға, практикалық өзара іс-қимылды кеңейтуге және ынтымақтастықты нақты жобалармен толықтыруға өңірдің мүдделі екенін атап өтті.
Кездесу қорытындысы бойынша тараптар сауда-экономикалық, инвестициялық, аграрлық, көлік-логистикалық, туристік және гуманитарлық салалардағы өзара іс-қимылды кеңейтуге дайын екендерін растады.
Бас консул К.Қ. Қожамбердиев сындарлы диалог және Қазақстан мен Тыва Республикасы арасындағы байланыстарды одан әрі дамытуға дайын екені үшін В.Т.Ховалыгке алғыс білдірді.
2026 жылы 31 тамызда Иркутск қаласында ҚР Омбы қаласындағы Бас консулы К.Қ. Қожамбердиевтің Иркутск облысының Губернаторы И.И. Кобзевпен кездесуі өтті.
Кездесуге сондай-ақ Губернатордың орынбасарлары, Иркутск облысы Үкіметінің өкілдері, Ресей Сыртқы істер министрлігінің Иркутск қаласындағы Өкілі және өңірдің бейінді атқарушы органдарының басшылары қатысты.
Кездесу барысында тараптар Қазақстан мен Ресей арасындағы өңіраралық ынтымақтастықтың қазіргі жай-күйі мен оны одан әрі дамыту перспективаларын талқылады. Бас консул Қазақстан-Ресей қатынастарының жоғары деңгейін атап өтіп, оларды одан әрі нығайтудағы өңіраралық өзара іс-қимылдың маңызды рөлін атап көрсетті.
Тараптар өзара сауданы кеңейту, жеткізілімдер номенклатурасын әртараптандыру, кәсіпкерлер арасында тікелей байланыстар орнату, сондай-ақ бірлескен инвестициялық және кооперациялық жобаларды іске асыруды қоса алғанда, сауда-экономикалық және инвестициялық ынтымақтастыққа ерекше назар аударды.
Осы бағыттағы іскерлік байланыстарды жандандыру мақсатында Бас консул «Шығыс Сібірдің сауда-өнеркәсіп палатасы» одағының Президенті А.И. Собольмен кездесу өткізді. Тараптар Қазақстан мен Иркутск облысының кәсіпкерлері арасындағы тікелей байланыстарды кеңейту, өзара бизнес-миссияларды ұйымдастыру, іскерлік делегациялардың сапарларын өткізу, сондай-ақ бірлескен сауда және инвестициялық жобаларды іздеу мәселелерін талқылады. Кәсіпкерлік қоғамдастықтар арасындағы жүйелі өзара іс-қимылды одан әрі дамытуға өзара қызығушылық білдірілді.
Көлік-логистикалық ынтымақтастыққа, сондай-ақ сауда-экономикалық байланыстарды кеңейту мақсатында Қазақстан мен Сібірдің транзиттік әлеуетін тиімді пайдалануға айрықша мән берілді.
Туризм саласындағы ынтымақтастықты дамытуға да ерекше назар аударылды. Тараптар Қазақстан мен Иркутск облысының туристік әлеуетін өзара ілгерілету, туристік ағындарды ұлғайту, туристік компаниялар арасындағы тікелей байланыстарды кеңейту, сондай-ақ бірлескен туристік жобалар мен маршруттарды дамыту мүмкіндіктерін талқылады.
Гуманитарлық салада тараптар білім беру, ғылым, мәдениет және жастар саясаты бағыттарындағы ынтымақтастықты дамыту мәселелерін талқылады. Атап айтқанда, жоғары оқу орындары арасындағы байланыстарды, академиялық алмасуларды және бірлескен мәдени-ағартушылық іс-шараларды кеңейту мәселелері қаралды.
Губернатор Игорь Кобзев Иркутск облысының халықаралық және өңіраралық байланыстарды одан әрі дамытуға мүдделі екенін атап өтіп, шетелдік әріптестермен ынтымақтастықты нақты жобалармен толықтырудың маңыздылығын атап көрсетті.
Кездесу қорытындысы бойынша тараптар достық байланыстарды одан әрі нығайтуға және сауда-экономикалық, инвестициялық, көлік-логистикалық және гуманитарлық салаларда нақты жобаларды іске асыруға өзара мүдделілік білдірді.
Бас консул Игорь Кобзевке және Иркутск облысының Үкіметіне сындарлы өзара іс-қимыл және Қазақстан мен Иркутск облысы арасындағы байланыстарды одан әрі дамытуға ықпал етуге дайын екені үшін алғыс білдірді.
2026 жылы 26-28 тамыз аралығында Новосібір қаласында ғылыми-технологиялық даму, инновациялар және халықаралық ынтымақтастық мәселелерін талқылауға арналған Ресейдегі жетекші алаңдардың бірі – XIII «Технопром-2026» халықаралық технологиялық даму форумы өтті.
Форум жұмысына 40 елден келген делегациялар, сондай-ақ Ресей Федерациясының 70-тен астам өңірінің өкілдері қатысты. Жалпы алғанда, форум іс-шараларына мемлекеттік органдардың, ғылыми-білім беру қауымдастығының, бизнес және технологиялық компаниялардың мыңдаған өкілі тартылды.
Форум аясында ғылыми-технологиялық инфрақұрылымды дамытуға және Новосибирск облысының Кольцово ғылыми қалашығында орналасқан «Сібір сақиналы фотондар көзі» (СКИФ) ұжымдық пайдалану орталығының мүмкіндіктеріне айрықша назар аударылды.
Форум жұмысына Қазақстан Республикасының Омбы қаласындағы Бас консулы К.Қ.Қожамбердиев Қазақстан Республикасының делегациясымен бірге қатысты.
Қазақстанның «Технопром-2026» форумына қатысуы заманауи ғылыми және технологиялық әзірлемелермен танысуға, тәжірибе алмасуға, сондай-ақ Қазақстан мен Ресей өңірлері арасындағы ғылыми-техникалық және инновациялық ынтымақтастықты одан әрі дамыту перспективаларын талқылауға мүмкіндік беретін маңызды алаңға айналды.
Форум аясында денсаулық сақтау саласындағы ТМД ғылыми-технологиялық кооперация форумы да өтті. Оған Ресей, Әзербайжан, Беларусь, Қазақстан, Қырғызстан және Өзбекстан өкілдері қатысты.
Қазақстан тарапының «Технопром-2026» форумына қатысуы Қазақстанның Новосібір облысымен және Сібір федералдық округінің басқа да өңірлерімен ғылым, білім, технологиялар және инновациялар салаларындағы ынтымақтастығын нығайтуға және өңіраралық байланыстарды одан әрі кеңейтуге ықпал етеді.
10 тамызда Ұлы ақын Абай Құнанбайұлының шығармашылығы мен рухани мұрасын кеңінен насихаттау мақсатында Қазақстан Республикасының Омбы қаласындағы Бас консулдығы Омбыдағы әль-Фараби атындағы Қазақ ұлттық университет филиалының алаңында қонақтар, талапкерлер және олардың ата-аналары үшін Абай Құнанбайұлының кітаптары мен шығармаларының экспозициясын ұйымдастырды.
Іс-шараға қатысушылар ұлы қазақ ақынының шығармашылығымен қызығушылықпен танысты. Экспозиция Абайдың поэзиясы, философиялық ойлары және ұлттық мәдениетке қосқан үлесі туралы толыққанды түсінік алуға мүмкіндік берді.
Іс-шара Абай мұрасын жастар арасында насихаттау және қазақ әдебиетіне деген қызығушылықты арттыруға бағытталды.
2026 жылы 31 шілдеде Омбы қаласы Мэрінің шақыруымен Қазақстанның Омбы қаласындағы Бас консулы Керім Қожамбердиев және Павлодар қаласының әкімі Хасар Хабылбеков, Петропавл қаласы әкімдігінің ішкі саясат бөлімі басшысының м.а. Серікжан Исенов бастаған қазақстандық делегациялар Қала күніне арналған салтанатты қабылдауға қатысты.
Іс-шараға, сондай-ақ қалалық әкімшілігінің, Омбы қалалық кеңесінің және РФ СІМ Омбы қаласындағы өкілдігінің басшылығы, Минск, Брест және Могилев (Беларусь), Новосібір және Благовещенск (Ресей) қалаларының, сондай-ақ Қытай Халық Республикасының Екатеринбург қаласындағы Бас консулдығы қатысты.
Керім Қожамбердиев өз сөзінде омбылықтарды қаланың 310 жылдығымен құттықтап, әкімшілік пен оның тұрғындарының қаланың экономикалық, мәдени және әлеуметтік әлеуетін үдемелі дамыту мен нығайтудағы рөлін атап өтті, сондай-ақ одан әрі өркендеуін тіледі.
24 шілдеде Омбыда Қазақстан мен Ресейдің ХХІІ өңіраралық ынтымақтастық форумы жұмысын бастады. Іс-шара аясында ҚР РФ-ғы Елшісі Дәурен Абаев өңір губернаторы Виталий Хоценкомен кездесті.
Тараптар Форумның іскерлік бағдарламасын талқылап, оның қорытындылары өнеркәсіптік кооперация мен саудадан бастап білім, ғылым және мәдениетке дейінгі барлық бағыттар бойынша өзара іс-қимылды дамытуға қуатты серпін беретінін атап өтті. Жоспарланып отырған бірқатар келісімдерге қол қою өзара тиімді серіктестік үшін жаңа көкжиектер ашып, өңіраралық байланыстарды нығайтатын болады.
Кездесуге қатысушылар сауда-экономикалық ынтымақтастықтың оң динамикасына жоғары баға берді. Қазақстан Омбы облысының жетекші сауда-экономикалық серіктестерінің үштігіне кіреді. Тараптар өзара сауданың әлеуеті толық көлемде іске асырылмағанын және тауар айналымы көрсеткіштерінің өсуі үшін кең мүмкіндіктер бар екенін атап өтті.
Білім беру саласындағы ынтымақтастық тақырыбы жеке қозғалды. Бүгінде Омбы облысының жоғары оқу орындарында 7 мыңнан астам қазақстандық білім алуда, бұл жергілікті білім беру жүйесіне деген сенімнің жоғары деңгейін және екі елдің көпжылдық академиялық байланыстарын растайды.
Әл-Фараби атындағы Қазақ ұлттық университетінің Омбыдағы филиалы өзінің алғашқы оқу жылын аяқтады. Ағымдағы жылы ол 300-ге жуық жаңа студентті қабылдауды жоспарлап отыр, бұл жастардың өсіп келе жатқан қызығушылығы мен ҚазҰУ-дың жоғары беделін айғақтайды.
Д.Абаев пен В.Хоценко Омбы облысы мен Қазақстанды ұзақ әрі берік тату көршілік қарым-қатынастар байланыстыратынын, ал өзара іс-қимыл экономикамен ғана шектелмей, іс жүзінде барлық салаларды қамтитынын қанағаттанушылықпен атап өтті. Кездесу қорытындысы бойынша оған қатысушылар өзара тиімді ынтымақтастықты арттыруға жан-жақты қолдау көрсетуге уағдаласты.
Сондай-ақ, ХХІІ форумның алғашқы жұмыс күнінде Д.Абаев «Жастар ынтымақтастығы: жастар бастамалары мен жастар кәсіпкерлігін қолдау» атты Ресей-Қазақстан жастар форумына, Ресей-Қазақстан іскерлік кеңесінің кеңейтілген отырысына қатысты. Сонымен қатар, Елші Омбы облысының инвестициялық және көліктік-логистикалық әлеуетімен таныстыратын көрмені тамашалады.
Іс-шара 25 шілдеде – Қазақстан мен Ресейдің ХХІІ өңіраралық ынтымақтастық форумының негізгі күнінде жалғасады.
«Қазақстан – менің көзіммен» – шетелде тұратын этникалық қазақ балаларына арналған онлайн сурет салу байқауы.
Байқау қатысушылардың Қазақстан туралы көзқарасын, елге деген сүйіспеншілігін, тарихи-мәдени мұрасын, табиғатын, ұлттық құндылықтарын және болашаққа деген арман-тілектерін шығармашылық тұрғыдан бейнелеуге бағытталған.
Байқаудың негізгі мақсаттары:
- шетелдегі этникалық қазақ балалардың Қазақстанмен рухани байланысын нығайту;
- Қазақстанның мәдениеті мен ұлттық құндылықтарын дәріптеу;
- жас суретшілердің шығармашылық қабілеттерін дамыту;
- дарынды этникалық қазақ балаларын анықтау және қолдау көрсету;
- балалардың Отанға деген сүйіспеншілігін арттыру.
- Өзі туралы ақпарат (Толық аты-жөні, азаматтығы, оқитын мектебі мен сыныбы, байланыс нөмері);
- Өзін таныстыру, салған суретін түсіндіру мақсатында ұзақтығы 2 минуттан аспайтын бейнежазба;
-Суретті өзі салғанын растау үшін ұзақтығы 3 минуттан аспайтын сурет салу процессінен бейнежазба және байқау тақырыбынан бөлек басқа да бірнеше туындыларын қосып жіберу керек.
III. Шығармашылық жұмысқа қойылатын талаптар
o қарындаш;
o түрлі-түсті қарындаш;
o фломастер;
o акварель бояулары;
o гуашь;
o майлы бояулар;
o пастель;
o көмір;
o маркер;
o акрил бояулары;
o гельді қаламдар және басқа да көркем сурет салу құралдары.
o Қазақстанның табиғаты;
o тарихи және мәдени ескерткіштер;
o ұлттық салт-дәстүрлер;
o қазақ халқының тұрмысы;
o ұлттық мерекелер;
o Қазақстанның көрікті жерлері;
o болашақтағы Қазақстан туралы арман-тілектер.
Жұмыстың «Қазақстан – менің көзіммен» тақырыбын қаншалықты толық және мазмұнды ашқаны бағаланады.
Қатысушының идеясының ерекшелігі, қиялы мен шығармашылық шешімдері бағаланады.
Сурет салу техникасы, композициясы, түстер үйлесімі, пропорция және жалпы орындау сапасы бағаланады.
Қазақстанның мәдениеті, тарихы, табиғаты және ұлттық құндылықтарының көркем бейнелену деңгейі ескеріледі.
Жұмыстың көрерменге әсері, автордың сезімі мен ойын жеткізу деңгейі бағаланады.
Байқауға шығармашылық жұмыстар 2026 жылғы 17 маусымнан бастап
28 тамызға дейін қабылданады.
Байқау қорытындысы бойынша 10 жеңімпаз қазылар алқасының шешімімен анықталады.
Жеңімпаздар I, II және III дәрежелі дипломдармен және арнайы сыйлықтармен марапатталады.
I орын – Ноутбук;
II орын – Планшет;
III орын – Смарт сағат.
Ынтыландыру сыйлықтары – «Бестемше» ойыны.
Үздік жұмыстар ұйымдастырушылардың ресми ақпараттық ресурстарында жарияланады және онлайн көрмеге ұсынылады. Сонымен қатар, үздік деп танылған 10 қатысушы қажет болған жағдайда жұмысын өз қаражаты есебінен «Отандастар қоры» КеАҚ-на жіберу қажет
ҚҰРМЕТТІ АЗАМАТТАР!
Астана күнін мерекелеуіне байланысты, Қазақстан Республикасының Омбы қаласындағы Бас консулдығы 6 шілде күндері жабық болады.
Осыған байланысты, азаматтарды қабылдау, сондай-ақ телефон арқылы кеңестер жүргізілмейді.
Бас консулдыққа келуіңізді алдын ала жоспарлауларыңызды сұраймыз.