"Отандастар" қоры тегін онлайн қазақ тілі курстарының басталғаны туралы хабарлайды
«Отандастар қоры» КеАҚ 2025 жылдың наурыз айынан бастап шетелдегі отандастарға арналған онлайн форматтағы қазақ тілі курсын ұйымдастырады. Қатысушыларға ыңғайлы болу үшін қазақ тілі ағылшын және орыс тілді аудиторияларға үйретіледі, сабақ кестесі әлемнің түкпір-түкпіріндегі отандастарымызға ыңғайлы уақыттарға қойылады.
Сонымен қатар, Ш.Шаяхметов атындағы «Тіл-Қазына» ұлттық ғылыми-практикалық орталығына қарасты Абай институтыныңқазақ тілін өз бетімен үйренушілерге арналғанмобильді қосымшасы бірнеше тілде пайдалануға қолжетімді екенін хабарлаймыз. Қосымшада тіл үйренушінің деңгейін анықтау тесттері А1, А2, В1, В2, С1 деңгейлерінде қазақ тілін өз бетінше үйренуге арналған әдістемелік құралдар, басқа да тіл үйренуге арналған материалдар, бейне сабақтар мен роликтер қамтылған. «Абай институты» қосымшасы арқылы қазақ елінің көрікті жерлері, туристік әлеуеті туралы ақпараттар алуға және App Store, Play market арқылы жүктеп алуға болады.
Бұдан басқа, ҰБТ-ға қосымша дайындалуға және Қазақстанның мектеп бағдарламасын онлайн үйренуге мүмкіндік беретін «Bilimland» платформасына тіркеу жалғасып жатқанын хабарлаймыз. Аталған платформаны қолдануға өтініш білдірушілер болса тізімін info@oq.gov.kzпоштасына жіберулеріне болады.
Онлайн тегін қазақ тілі курсына тіркелу ашық
Абай институты