ҚР РФ Елшісі Д.Абаев Киров облысының губернаторы А.Соколовпен кездесті

Тараптар өзара іс-қимыл мәселелерінің кең ауқымын талқылады және өзара тиімді сауда-экономикалық ынтымақтастықты арттыру үшін үлкен әлеуеттің бар екенін атап өтті. Мәселен, бірінші жартыжылдықта Киров облысымен Қазақстан өңірлерінің тауар айналымы $22,7 млн. құрады.

Кездесу барысында тараптар басым бағыттардың қатарында өзара саудада тауар номенклатурасын кеңейтуді белгіледі.

Киров облысы экономикасының негізгі салалары химия және мұнай-химия өнеркәсібі, машина жасау, металлургия, дәрілік заттар өндірісі, агроөнеркәсіптік және орман шаруашылығы кешендері болып табылады.

Қазақстан Киров облысы кәсіпорындарының өнімдеріне мүдделі, сондай-ақ өз кезегінде сапалы тауарлардың кең спектрін ұсынуға дайын.

Кездесу қорытындысы бойынша тараптар өңіраралық байланыстар шеңберінде, атап айтқанда, инвестициялық салада және өнеркәсіптік кооперация шеңберінде неғұрлым перспективалы бағыттар бойынша өзара іс-қимылды дәйекті түрде дамытуға келісті.