Омбыда Т.Қалмағамбетов атындағы Жезқазған филармониясының концерті өтті

2022 жылдың 16 мамырында Омбы қаласының Қоғаммен байланыс жөніндегі өңірлік орталығының концерт залында Т.Қалмағамбетов атындағы Жезқазған филармониясының «Ұлытау - Ұлт ұясы» атты концерті өтті. Қазақстанның Омбыдағы Бас консулдығы ұжымының қатысуымен өткен мәдени іс-шараны «Омбы қазақтары» жергілікті қазақ қоғамдық ұйымы ұйымдастырды.

Концерт барысында филармонияның жетекші әртістері, домбырашылары мен фольклорлық-этнографиялық ансамблі қазақтың ұлттық музыкалық аспаптарымен еліміздің атақты ақындары мен композиторларының күйлерін және елге танымал болған халық әндерін орындады.