Қазақстан Республикасының азаматтығынан айрылу

Қазақстан Республикасы азаматының (ескерту жасына қарамастан) басқа мемлекеттiң азаматтығында болуы танылмайды («Қазақстан Республикасының азаматтығы туралы» Қазақстан Республикасы Заңының 3-бабы).

«Қазақстан Республикасының азаматтығы туралы» Қазақстан Республикасы Заңының 21-бабына сәйкес, Қазақстан Республикасының азаматы болып табылатын және шет мемлекеттің азаматтығын қабылдаған адам өзге азаматтықты алған күнінен бастап күнтізбелік отыз күн ішінде шетел азаматтығын алу фактісі туралы Қазақстан Республикасының ішкі істер органдарына немесе Қазақстан Республикасының шет елдердегі мекемелеріне хабарлауға және Қазақстан Республикасы азаматының паспортын және (немесе) жеке куәлігін тапсыруға міндетті.

Шетелдік азаматтықты алу фактісі туралы осы баптың екінші бөлігінде белгіленген мерзімде хабарламау Қазақстан Республикасының заңдарында белгіленген жауаптылыққа әкеп соғады.

Қазақстан Республикасының азаматтығынан айырылуын рәсімдеу үшін келесі тізбеге сәйкес тәртіппен мынадай құжаттарды ұсыну қажет:

1. Қазақстан Республикасының азаматтығын жоғалтуды тіркеу үшін еркін нысандағы өтініш;
2. Қазақстан Республикасының паспорты (түпнұсқа);
3. Шет елдің азаматтығын растайтын шет мемлекет паспортының немесе құжатының, оның ішінде натурализация сертификатының көшірмесі;
4. Тегі/аты өзгерген жағдайда, тегі/аты өзгергенін растайтын құжаттың (неке туралы куәлік, аты-жөні өзгергені туралы өтінішхат/өзгергені туралы сот шешімі) нотариалды куәландырылған аудармасын (қазақ/орыс тілінде) ұсыну қажет.
5. Басқа мемлекетке тұрақты тұруға кету туралы шешім немесе басқа мемлекетке тұрақты тұруға кетуге рұқсатты растайтын құжаттың көшірмесі. АҚШ-та тұрақты тұруға шығу туралы рұқсат болмаған жағдайда,белгіленген үлгідегі хабарламаны толтыру қажет. 
6. ҚР азаматтығын жоғалтуды түркеу үшін консулдық алым алынбайды. 
7. Егер Сізге ҚР азаматтығынан айрылу туралы анықтама қажет болса, анықтама алу үшін қосымша өтініш жазып, анықтаманы рәсімдеу үшін 50 АҚШ доллары көлемінде консулдық алым (төлем) төлеуіңіз керек.

НАЗАР АУДАРЫҢЫЗ! ҚР азаматтығын жоғалтуды тіркеу үшін құжаттар шет елдердегі мекемелерге жеке тапсырылады. Алайда, дәлелді себептер туындаған жағдайда, өтініш берушілер құжаттардың толық тізімін "USPS" поштасы арқылы жібере алады. Бұл ретте келесіні назарға алуды сұраймыз: 
- АҚШ-тағы ҚР шет елдердегі мекемелері АҚШ-тың пошта қызметтері үшін жауап бермейді;
- Шет елдің азаматтығын растайтын шет мемлекет паспортының немесе құжатының, оның ішінде натурализация сертификатының көшірмесін нотариалды куәландыру қажет (аударма және апостиль талап етілмейді); 
- анықтама керек болған жағдайда, кері мекенжайы бар алдын ала төленген конвертті қамтамасыз ету қажет.

Құжаттарды төмендегі Штаттардың бөлінуіне сәйкес Қазақстанның АҚШ-тағы шет елдердегі мекемелерінің біріне тапсырылуы қажет:

Нью-Йорк қаласындағы ҚР Бас консулдығының құзыретіне келесі штаттар кіреді: