Мемлекеттік көрсетілетін қызметті алу үшін көрсетілетін қызметті алушы өзі (балалар мен сот әрекетке қабілетсіз деп таныған азаматтар, олардың заңды өкілдері (ата-аналары, қорғаншылары, қамқоршылары) өкілдік етуге өкілеттігін растайтын құжаттарды ұсына отырып, көрсетілетін қызметті берушіге келесі құжаттарды ұсынады:
- Өтініш.
- Формуляр.
- Қазақстан Республикасы азаматының паспорты (паспортты ауыстырған кезде).
- Өлшемі 3,5х4,5 сантиметр түрлі-түсті төрт фотосурет (фотосуреттер құжатты ресімдеу кезіндегі көрсетілетін қызметті алушының жасына сәйкес келуі және қатаң түрде жарық жерде алдынан түсірілген, бейтарап бет-әлпеті көрінісімен және ауызы жабық түскен, бет-әлпеті фотосуреттің жалпы ауданының 75%-ға жуығын алатын болуы тиіс. Фотосуреттер бір негативтен қалың фотоқағазға фото басып шығару әдісімен орындалады. Компьютерлік сканерлеу, модельдеу немесе ксерокөшірме әдісімен дайындалған суреттерді пайдалануға жол берілмейді).
- Туу туралы куәлік (16 жасқа толмаған бала паспорт алған кезде) және баланың азаматтығын растау үшін ата-анасының біреуінің жеке басын куәландыратын құжат. Шетелдік ата-анасынан баланың Қазақстан Республикасы азаматының жеке басын куәландыратын құжаттарды алуға нотариалды расталған және апостиль қойылған өтініш-келісімі (бала Қазақстан Республикасынан тыс жерде туған және ата-анасының азаматтығы әртүрлі болған жағдайда, олардың біреуі бала туған кезде Қазақстан Республикасының азаматтығында болған және осы уақытта ата-анасының екеуі де Қазақстан Республикасынан тыс жерде тұрақты тұрғылықты жері болған жағдайда).
- Қазақстан Республикасының азаматы алғаш рет паспорт алған кезде (бұрынғы Кеңестік Социалистік Республикалар Одағы) 1974 жылғы үлгідегі паспорт (Қазақстан Республикасының азаматтығы расталған кезде).
- Қазақстан Республикасының азаматы алғаш рет паспорт алған кезде (бұрынғы Кеңестік Социалистік Республикалар Одағы) шетелге бару үшін берілген паспорт (Қазақстан Республикасының азаматтығы расталған кезде).
- Консулдық алымның төленгенін растайтын құжат.
- Егер мұндай анықтаманы алу мүмкіндігі болатын елдің заңнамасында көзделген болса, консулдық орналасқан елдің құзыретті органынан азаматтығы жоқ екендігі туралы анықтама.
- Тұрақты тұру, оқу, шетелде жұмыс істеу фактісін, отбасы жағдайын растайтын, тыныс-тіршілігін шектейтін тұрақты ағза функцияларының ауытқуларымен денсаулығында бұзушылық бар деген құжаттың бірі (түпнұсқа және көшірме).
АҚШ-та тұрақты тұратын адамдар үшін:
- АҚШ-тың тұрақты резиденті картасының (Green card) апостильденген көшірмесі;
- АҚШ-тың тұрақты резиденті картасының (Green card) нотариалды куәландырылған аудармасы (қазақ немесе орыс тіліне);
- "АҚШ-қа тұрақты тұруға кетуге рұқсат етілген" паспортындағы белгінің көшірмесі және / немесе ҚР ІІМ Полиция департаментінің көші-қон қызметі басқармасы берген анықтама, кету парағының көшірмесі (салыстыру үшін түпнұсқасы қажет);
АҚШ аумағында орналасқан оқу орындарында білім алатын адамдар үшін:
- өтініш берушінің күндізгі оқу нысанының фактісін растайтын I-20 формасының апостильденген көшірмесі;
- I-20 формасының нотариалды куәландырылған аудармасы (салыстыру үшін түпнұсқасы қажет);
* Қазақстан Республикасында тұрақты тұрғылықты жеріңіз бойынша тіркелгеніңізді тексеруді сұраймыз.
АҚШ-та еңбек шарты бойынша жұмыс істейтін адамдар үшін:
-жұмысқа рұқсаттың (Employment authorization Document) немесе жұмыс визасының апостильденген көшірмесі және нотариалды куәландырылған аудармасы (қазақ немесе орыс тілдерінде);
-еңбек шартының апостильденген көшірмесі және еңбек шартының нотариалды куәландырылған аудармасы (қазақ немесе орыс тілдерінде).
*Жұмыс туралы ұсыныс, жұмысқа орналасу туралы хат, жалақыны растау, жұмыспен қамтуды растау жұмысқа орналасуды растау ретінде қабылданбайды.
* Қазақстан Республикасында тұрақты тұрғылықты жеріңіз бойынша тіркелгеніңізді тексеруді сұраймыз.
АҚШ-та тұратын шетелдіктің отбасы мүшелері үшін:
- неке туралы куәліктің апостиль қойылған көшірмесі;
- неке туралы куәліктің нотариалды куәландырылған аудармасы (салыстыру үшін түпнұсқасы қажет);
- Өтініш берушінің тегі өзгерген жағдайда, тегін жұбайының (зайыбының) тегіне ауыстыру фактісін растайтын құжатты, оның ішінде Petition for name change, немесе неке туралы куәлікте тиісті жазбаның болуы (салыстырып тексеру үшін түпнұсқасы);
- "АҚШ-қа тұрақты тұруға кетуге рұқсат етілген" паспортындағы белгінің көшірмесі және / немесе ҚР ІІМ Полиция департаментінің көші-қон қызметі басқармасы берген анықтама, кету парағының көшірмесі (салыстыру үшін түпнұсқасы қажет).
* Қазақстан Республикасында тұрақты тұрғылықты жеріңіз бойынша тіркелгеніңізді тексеруді сұраймыз.
Кәмелетке толмаған адамдар үшін, олар АҚШ-та туылған жағдайда және олармен бірге тұратын аталған адамдардың отбасы мүшелеріне жоғарыда аталған құжаттарға қосымша келесі құжаттарды ұсыну қажет:
- АҚШ-тың туу туралы куәлігінің апостиль қойылған көшірмесі және нотариалды куәландырылған аудармасы (егер қолданылса);
- қазақстандық туу туралы куәліктің, неке туралы куәліктің көшірмесі (салыстыру үшін түпнұсқасы) (егер қолданылса).
Жасына байланысты өзіне-өзі қызмет көрсетуге қабілетсіз адамдар (қарттар) және дене функциялары тұрақты бұзылған, олардың тыныс-тіршілігін шектейтін денсаулығы бұзылған адамдар, сондай-ақ өзіне-өзі қызмет көрсетуге қабілетсіз жақын туыстарына күтім жасайтын адамдар, сондай-ақ АҚШ аумағындағы пенитенциарлық мекемелерде ұсталғандар немесе қамауда ұсталғандар үшін:
- құжаттың осы мәртебесін растайтын апостиль қойылған көшірме және нотариалды куәландырылған аударма (салыстырып тексеру үшін түпнұсқасы).
* Қазақстан Республикасында тұрақты тұрғылықты жеріңіз бойынша тіркелгеніңізді тексеруді сұраймыз.