Оман Сұлтандығында Әлемдік және дәстүрлі діндер көшбасшыларының Съезі Хатшылығы отырысының қорытындылары талқыланды

2023 жылғы 15 қазанда Масқат қаласында Әлемдік және дәстүрлі діндер көшбасшыларының Съезі Хатшылығының ХХІ отырысына арналған дөңгелек үстел өтті.

Дөңгелек үстелге Оманның мемлекеттік органдарының өкілдері, сондай-ақ мәдениет саласының мамандары мен журналистер қатысты.

Өз сөзінде Қазақстан Елшісі Н.Мұхаметәліұлы дөңгелек үстелге қатысушыларды аталған Хатшылық отырысының негізгі қорытындылары туралы хабардар етті.

Іс-шара барысында Съезд форматы саяси және қоғам қайраткерлерінің қатысуымен өтетін ашық әрі дінаралық диалог ретінде әлем дамуының өзекті мәселелерін қарастыруға және дау-жанжалдарды өзара сыйластық негізінде шешуге шақыруға мүмкіндік беретіні туралы баса айтылды.

Қорытындылай келе, іс-шараға қатысушылар әлемдік діндер көшбасшылары Съезінің дінаралық және конфессияаралық диалогты қамтамасыз етудегі рөлі туралы өз пікірлерін білдірді.