Қазақстан Республикасының азаматтығынан айрылу

Қазақстан Республикасының «Қазақстан Республикасының азаматтығы туралы» Заңына сәйкес Қазақстан Республикасы азаматының басқа мемлекеттiң азаматтығында болуы танылмайды.

Қазақстан Республикасының шет елдердегі мекемелері Қазақстан Республикасынан тыс жерде ҚР азаматтығынан айыруды келесі жағдайларады тіркейді:

- халықаралық шарттарда көзделген жағдайларды қоспағанда, егер Қазақстан азаматына қатысты оның басқа мемлекеттің әскери қызметіне, қауіпсіздік қызметіне, полициясына, әділет органдарына, өзге де мемлекеттік органдарына қызметке кіргенін растайтын құжаттар немесе басқа анық мәліметтер болса;

- егер азаматтық жалған мәліметтер немесе жалған құжаттар табыс ету нәтижесінде алынғаны анықталған болса;

- егер адам басқа мемлекеттің азаматтығын алған болса;

- егер Қазақстан Республикасының азаматтығын алуы үшін негіз болған Қазақстан Республикасының азаматымен некені сот жарамсыз деп таныса.

Қазақстан Республикасының азаматтығынан айрылуды тіркеу үшін келесі құжаттарды ұсыну қажет:

1. Толтырылған өтініш нысаны;
2. Анықтама алу үшін өтініш;
3. Шетел азаматтығын алғанын растайтын құжаттың нотариалды куәландырылған көшірмесі, яғни шет мемлекеттің төлқұжатының көшірмесі - 3 дана;
4. Қазақстандық ұлттық төлқұжатының, жеке куәліктің және әскери куәліктің түпнұсқалары мен олардың көшірмелері;
5. Фотосурет - 2 дана;
6. Тұрақты тұруға кету туралы хабарлама (түпнұсқасы және көшірмесі) және/немесе тұрақты тұруға шығу туралы белгісі (мөрі) бар ҚР төлқұжатының парағы және кету парағы (түпнұсқасы мен көшірмесі), болған жағдайда;
7. Азаматтықтан айырылуды тіркеу үшін консулдық алым алынбайды, алайда егер азаматтықты жоғалтқаныңыз туралы анықтама қажет болған жағдайда, өтініш жазып, Қазақстан Республикасының азаматтығынан айырылғаны туралы анықтама үшін 50 АҚШ доллар көлеміндегі консулдық алымды төлеу қажет.

Қызмет көрсету мерзімі - 5 жұмыс күні

Дата публикации

12 июля 2020