Азаматтық мәселелер

Қазақстан Республикасының азаматы болып табылатын және шет мемлекеттің азаматтығын қабылдаған адам өзге азаматтықты алған күнінен бастап күнтізбелік отыз күн ішінде шетел азаматтығын алу фактісі туралы Қазақстан Республикасының шет елдердегі мекемелеріне хабарлауға және паспортын тапсыруға міндетті.

Қазақстан азаматтығын жоғалтуды тіркеу үшін Сізге келесі құжаттарды бір данадағы көшірмелерімен тапсыру қажет:

1) Қазақстан Республикасының азаматтығын жоғалтуды тіркеу үшін еркін нысандағы өтініш және сауалнама;

2) Қазақстан Республикасы азаматының паспорты (жеке куәлік, Сізде ол болса), ал ол болмаған жағдайда ҚР-ның азаматтығы туралы мөртабасы бар бұрынғы КСРО-ның паспорты немесе еркін нысанда түсініктеме беру қажет;

3) паспорттың келесі беттерінің көшірмелері: жеке деректері бар алдыңғы бет, ТТО-ға шығуға рұқсаты (кету парағы) және де консулдық есепке алу мөрлері бар беттер. Егер Германияда тұрақты тұруға кету туралы хабарлама болмаса және ҚР-дың жеке куәлігі болған жағдайда, белгіленген нысандағы хабарламаны толтыру қажет.

4) Шет мемлекет азаматының төлқұжаты немесе шетел азаматтығының болуын растайтын құжаттардың көшірмелері;

5) Қазақ немесе орыс тіліндегі нотариалды куәландырылған аудармасы бар Т.А.Ә. өзгерту туралы құжаттың түпнұсқасы мен көшірмелері;

6) Қазақ немесе орыс тіліндегі нотариалды куәландырылған аудармасы бар ГФР азаматтығын алғанын растайтын құжаттың (Einbürgerungsurkunde, Staatsangehörigkeitsurkunde немесе Vertriebenbescheinigung) түпнұсқасы мен көшірмелері;

• Азаматтық мәселелер бойынша өтініштерді Қазақстан Республикасынан тыс жерлерде тұрақты тұратын тұлғалар тікелей шетелдегі мекемелерге тапсырады.
• 18 жасқа толмаған, сондай-ақ әрекетке қабілетсіз деп танылған адамдарға қатысты азаматтық мәселелері бойынша өтініштер олардың заңды өкілдерінің нотариалдық түрде куәландырған, ал басқа мемлекеттерде - шетелдік мекеме куәландырған өтініші бойынша қаралады; баланың туу туралы куәлігінің көшірмесімен (асырап алушылар, қорғаншылар және қамқоршылар Қазақстан Республикасының жергілікті атқарушы органы шешімінің көшірмесін ұсынады) немесе әрекетке қабілетсіз тұлғаның жеке басын куәландыратын құжатпен бірге. 

Кәмелетке толмаған балалардың келуі керек емес.

Ескертпе: басқа мемлекеттердің аумағында туған және болу елінің азаматтығы бар адамдарға Қазақстан Республикасының азаматтығын жоғалту жүргізілмейді.

ҚР-ның азаматтығын жоғалту туралы анықтама алу үшін Сізге келесіні ұсыну қажет:

- төлем түбіртегінің түпнұсқасын (Quittungsbeleg), сондай-ақ консулдық мекеменің есеп шотына аударған төлем туралы растаудың түпнұсқасы мен көшірмесін (Kontoauszug) тапсыру керек (консулдық округке сәйкес).

• Сомасы – 45 еуро

• Егер Сіздің өтінішіңіз қандай да бір себептермен қабылданбаса, 2017 жылғы 25 желтоқсандағы № 120-VI ҚРЗ ҚР-ның Салық Кодексінің 629-бабының 7-тармағына сәйкес төленген консулдық алым сомалары қайтарылуға жатпайды.

  Generalkonsulat der Republik Kasachstan in München

  IBAN: DE 56 7007 0010 0517 0865 01

  SWIFT: DEUTDEMMXXX

  Deutsche Bank

https://www.gov.kz/memleket/entities/mfa-munich/online-booking?lang=ru 

Құжаттарды қабылдау және кеңес беру күн сайын (сәрсенбі, сенбі, жексенбі және мереке күндерінен басқа) сағат 09.30-дан 12.30-ға дейін алдын ала жазылу арқылы жүргізіледі.

16:00-ден 17:00-ге дейін – құжаттарды беру (төлқұжаттан басқа)

Сәрсенбі: құжаттарды өңдеуге арналған техникалық күн

Cондай-ақ ГФР (Бавария мен Тюрингия) және Қазақстанның мереке күндері: жабық.

Мекенжай: Redwitzstrasse 4, 81925 München

Телефон: +49 89 90 90 10 60

E-mail: konsul-muenchen@mfa.kz

Қос азаматтықты қарастырмайтын "ҚР азаматтығы туралы" Қазақстан Республикасының Заңына сәйкес ҚР азаматтығынан шығу жөніндегі шешімдерді Қазақстан Республикасының Президенті қабылдайды.

ҚР азаматтығынан шығу туралы өтінішті ресімдеу үшін шетелде тұрақты тұратын азаматтар жеке өзі келіп, келесі құжаттарды екі данада ұсынуы тиіс:

1. белгіленген үлгідегі толтырылған сауалнама-өтініш;
2. Қазақстан Республикасы Президентінің атына ҚР-ның азаматтығынан шығу туралы өтініші (өтініш беру себептерін түсіндіре отырып);
3. өмірбаян (өз қолымен жазылған);
4. Қазақстан Республикасының Ішкі істер органдары ресімдеген тұрақты тұруға шығуға рұқсат;
5.  туу туралы куәліктің түпнұсқасы мен көшірмелері;
6. неке қию туралы куәліктің түпнұсқасы мен көшірмелері. Бұл құжатты неміс құзыретті органы берген жағдайда "Apostille" мөртаңбаның, сондай-ақ қазақ немесе орыс тіліне расталған аудармасының болуы міндетті;
7. балалардың туу туралы куәліктерінің түпнұсқалары мен көшірмелері. Бұл құжатты неміс құзыретті органы берген жағдайда "Apostille" мөртаңбаның, сондай-ақ қазақ немесе орыс тіліне расталған аудармасының болуы міндетті;
8. неміс азаматтығын беру мүмкіндігін растайтын құжаттың қазақ немесе орыс тілінде расталған аудармасымен қоса түпнұсқасы мен көшірмелері (Еinbürgerungszusicherung және "Apostille" мөрімен);
9. өтiнiш берушiнiң Қазақстан Республикасында тұратын жұбайының немесе оның асырауындағы адамдардың өзіне нотариалды куәландырылған Қазақстан Республикасының азаматтығынан шығуға келісімі және материалдық және өзге де талаптардың жоқ екендiгi туралы өтiнiш-келісімі немесе олардың қайтыс болғаны туралы, азаматтың қайтыс болуы немесе хабарсыз кеткені туралы сот шешімінің көшірмелері;
10. адамның қылмыстық құқық бұзушылық жасағаны туралы мәліметтердің болуы не болмауы туралы анықтама (соттылығы туралы анықтама);

Ескерту: соттылығы туралы анықтама алу үшін алдымен осы құжатты талап ету қажет. Құжаттарды талап ету жөніндегі ақпарат Бас консулдықтың сайтында консулдық және визалық мәселелер/талап ету бөлімінде орналастырылған;

11. төрт фотосурет 3,5х4,5;
12. Төлем түбіртегінің түпнұсқасын (Quittungsbeleg), сондай-ақ консулдық мекеменің есеп шотына аударған төлем туралы растаудың түпнұсқасы мен көшірмесін (Kontoauszug) тапсыру керек (консулдық округке сәйкес).

• Сомасы – 130 еуро

• Егер Сіздің өтінішіңіз қандай да бір себептермен қабылданбаса, 2017 жылғы 25 желтоқсандағы № 120-VI ҚРЗ ҚР-ның Салық Кодексінің 629-бабының 7-тармағына сәйкес төленген консулдық алым сомалары қайтарылуға жатпайды.

  Generalkonsulat der Republik Kasachstan in München

  IBAN: DE 56 7007 0010 0517 0865 01

  SWIFT: DEUTDEMMXXX

  Deutsche Bank

https://www.gov.kz/memleket/entities/mfa-munich/online-booking?lang=ru 

Құжаттарды қабылдау және кеңес беру күн сайын (сәрсенбі, сенбі, жексенбі және мереке күндерінен басқа) сағат 09.30-дан 12.30-ға дейін алдын ала жазылу арқылы жүргізіледі.

16:00-ден 17:00-ге дейін – құжаттарды беру (төлқұжаттан басқа)

Сәрсенбі: құжаттарды өңдеуге арналған техникалық күн

Cондай-ақ ГФР (Бавария мен Тюрингия) және Қазақстанның мереке күндері: жабық.

Мекенжай: Redwitzstrasse 4, 81925 München