ҚР азаматы паспортының жоғалуына орай оны қалпына келтіру туралы ақпарат

ҚР азаматының паспортын қалпына келтіруге құжаттарды тапсыру үшін өтініш беруші жеке өзі (алдын ала жазылу бойынша) келіп, ҚР ГФР-дағы жақын орналасқан консулдық мекемесіне (аймақтық қатыстылығы бойынша) екі данада келесі құжаттарды ұсынуы қажет:

1. белгіленген үлгідегі паспортты ресімдеуге Өтініш;
2. паспортты жоғалту себептерін көрсете отырып, белгіленген үлгідегі Сауалнама-өтініш;
3. туу туралы куәліктің түпнұсқасы мен көшірмелері;
4. ҚР азаматы паспортының нотариалды түрде куәландырылған көшірмелері (егер Сізде болған жағдайда) немесе Сіздің жеке басыңызды куәландыратын және ГФР-ға тұрақты тұруға шығуды растайтын басқа да құжаттар;
5. неміс билігінің (Negativbescheinigung) өтініш берушіде ҚР азаматтығын тану және неміс азаматтығын алуға өтініштің болмауы туралы анықтамасының түпнұсқасы мен көшірмесі (мемлекеттік немесе орыс тіліне расталған аудармасымен). Аталған анықтама ҚР консулдық мекемесіне берілген күннен бастап 30 күнтізбелік күн ішінде ұсынылуы тиіс.

Negativbescheinigung-тан басқа анықтамалар қабылданбайды!

6. полиция учаскесінен паспортты жоғалту жөнінде өтініш бергеніңіз туралы (мемлекеттік немесе орыс тіліне расталған аудармасымен) анықтаманың түпнұсқасы мен көшірмесі;
7. түрлі–түсті фотосуреттер 3,5х4,5  - 4 дана.

- фотосурет өтініш берушінің консулдық мекемеге құжаттарды тапсыру кезіндегі жасына сәйкес келуі, қатаң түрде жарық жерде алдынан түсірілген, бейтарап бет-әлпеті көрінісімен және ауызы жабық түскен, бет-әлпеті фотосурет жалпы ауданының кемінде 75% құрауы тиіс;

8. ҚР Бас консулдығының есеп шотына 75 еуро мөлшерінде консулдық алымды төлеу туралы түбіртектің түпнұсқасы (төлемді тікелей ҚР Бас консулдығында жүзеге асыруға болады).

• 90 (тоқсан) күнтізбелік күн.

• Сомасы – 75 еуро

• Егер Сіздің өтінішіңіз қандай да бір себептермен қабылданбаса, 2017 жылғы 25 желтоқсандағы № 120-VI ҚРЗ ҚР-ның Салық Кодексінің 629-бабының 7-тармағына сәйкес төленген консулдық алым сомалары қайтарылуға жатпайды.

  Generalkonsulat der Republik Kasachstan in München

  IBAN: DE 56 7007 0010 0517 0865 01

  SWIFT: DEUTDEMMXXX

  Deutsche Bank

https://www.gov.kz/memleket/entities/mfa-munich/online-booking?lang=ru 

Құжаттарды қабылдау және кеңес беру күн сайын (сәрсенбі, сенбі, жексенбі және мереке күндерінен басқа) сағат 09.30-дан 12.30-ға дейін алдын ала жазылу арқылы жүргізіледі.

16:00-ден 17:00-ге дейін – құжаттарды беру (төлқұжаттан басқа)

Сәрсенбі: құжаттарды өңдеуге арналған техникалық күн

Cондай-ақ ГФР (Бавария мен Тюрингия) және Қазақстанның мереке күндері: жабық.

Мекенжай: Redwitzstrasse 4, 81925 München

Телефон: +49 89 90 90 10 60

E-mail: konsul-muenchen@mfa.kz