Қазақстанның Беларусьтегі Елшісі  Тимур Жақсылықов Беларусь Республикасының Ұлттық Жиналысы Республика Кеңесінің Төрағасы Наталья Кочановамен кездесу өткізді

Минск, 2025 жылғы 27 ақпан - Қазақстанның Беларусьтегі Елшісі  Тимур Жақсылықов Беларусь Республикасының Ұлттық Жиналысы Республика Кеңесінің Төрағасы Наталья Кочановамен кездесу өткізді.

Әңгіме барысында тараптар парламентаралық, сауда-экономикалық және гуманитарлық өзара іс-қимылды қоса алғанда, екіжақты ынтымақтастықтың кең ауқымды мәселелерін, сондай-ақ Қазақстан мен Беларусь арасындағы стратегиялық әріптестікті одан әрі нығайту перспективаларын талқылады.

Н.Кочанова екі ел арасындағы парламентаралық өзара іс-қимыл деңгейін жоғары бағалап, халықаралық алаңдарда ынтымақтастықтың маңыздылығын атап өтті. Парламентаралық комиссияның жұмысы және ҰҚШҰ желісі бойынша ТМД ПАА сияқты халықаралық алаңдарда тұрақты кездесулер байланыстарды нығайтуға ықпал ететінін атап өтті. Беларусьтің Қазақстанмен қарым-қатынасты одан әрі нығайтуға бейілділігін растады.

Т.Жақсылықов Қазақстан мен Беларусьті достық пен өзара сенімнің көпжылдық байланыстары жақындатады, екі ел стратегиялық одақтастар және серіктестер екенін атап өтті. Елдер тұрақты сауда-экономикалық ынтымақтастықты көрсетуде. Екіжақты тауар айналымы шамамен 1 млрд. Бірлескен жобалар белсенді жүзеге асырылуда. «Біз ынтымақтастықты кеңейтудің, әсіресе жоғары технологиялық бағытта айтарлықтай әлеуетті көріп отырмыз», - деді ол.

Елші екіжақты қарым-қатынастардың өзара түсіністік пен қолдау рухында одан әрі дамитынына сенім білдірді.

Тараптар парламенттік делегациялардың ресми сапарларымен алмасуды жандандыруға келісті, бұл ынтымақтастықтың жаңа бағыттарын айқындауға мүмкіндік береді.

Кездесуде мәдени-гуманитарлық ынтымақтастықты дамытуға ерекше көңіл бөлінді. Осы орайда тараптар екі ел халықтары арасындағы достықты нығайтуға ықпал ететін білім, ғылым және мәдениет саласындағы байланыстарды жандандыруға дайын екендіктерін білдірді.

Кездесу қорытындысы бойынша парламенттік делегациялардың сапарларын қоса алғанда, 2025 жылға арналған ресми іс-шаралар кестесі қаралды. Екі елдің мүдделеріне сай келетін және азаматтардың әл-ауқатын арттыруға ықпал ететін стратегиялық әріптестікті одан әрі дамытудың маңыздылығы атап өтілді.