Қазақстанның Беларустегі Елшісі Тимур Жақсылықов Беларусь Республикасының Президенті Александр Лукашенкоға сенім грамоталарын табыс етті

Минск, 2024 жылғы 1 қазан - Қазақстанның Беларустегі Елшісі Тимур Жақсылықов Беларусь Республикасының Президенті Александр Лукашенкоға сенім грамоталарын табыс етті.

Президенттік Тәуелсіздік сарайында өткен салтанатты рәсім барысында А.Лукашенко Қазақстан Беларусь үшін маңызды, уақытпен тексерілген дос, стратегиялық серіктес және одақтас екенін мәлімдеді.

Беларусь басшысының айтуынша, ынтымақтастықтың жоғары динамикасы жыл сайынғы миллиардтаған тауар айналымы мен өнеркәсіптік кооперациядағы табысты жобалардан көрінеді.

Александр Лукашенко Қазақстан Республикасының Президенті Қасым-Жомарт Тоқаевқа Қазақстанның Шанхай ынтымақтастық ұйымына төрағалық етуі барысында Беларуске көрсеткен жан-жақты қолдауы үшін алғысын білдірді.

Салтанатты рәсім соңында Беларусь көшбасшысы Қазақстан Президенті Қасым-Жомарт Тоқаевқа Достық сәлемдесу сөздерін жолдап, Елшіге Қазақстан-Беларусь ынтымақтастығын нығайту үшін табысты және жемісті жұмыс тіледі.