Елшілік «Витебсктегі Славян базарының» қазақстандық қатысушыларын құттықтайды

Минск, 2024 жылғы 17 шілде - Қазақстанның Беларусьтегі Елшілігі жас қазақстандық эстрада әртістерін «Витебскідегі Славян базары» ХХХІІІ халықаралық өнер фестивалінің лайықты наградаларымен құттықтайды.

Алматы қаласының әкімі эстрадалық-симфониялық оркестрінің солисі Ерназар Жұбан көрермендердің ыстық ықыласына бөленіп, қазылар алқасының жоғары бағасына ие болды. Айта кетейік, байқаудың бірінші күнінің қорытындысы бойынша әнші «Мен музыканы таңдаймын» композициясымен максималды мүмкін болатын 70 ұпайдың 69-ын жинап, бірінші жүлдені жеңіп алды.

Ерназар Жұбан үшін бұл бірінші халықаралық марапат емес. Бұған дейін әнші Дельфий ойындарында және «Музыка қанаттарында» халықаралық байқауында бірінші орынды иеленсе, 2020 жылы «X Factor» жобасының финалисті және «Сарандев» халықаралық вокалдық байқауының жеңімпазы болған.

2021 жылы Румынияда өткен XVI-George Grigoriu байқауында бірінші болып, «Қазақстан Дауысы» жобасының ширек финалына шықты. Оның дауысы қазақстандық балалардың көпшілігіне «Сұлу мен құбыжық» мультфильмінің қазақ тіліндегі нұсқасынан таныс.

Қазақстандық жас әнші Сағын Өмірбайұлы оннан астам елден 14 бала қатысқан «Витебск-2024» ХХІІ халықаралық балалар музыкалық байқауының қазылар алқасын өзінің әртістік шеберлігімен, харизмасымен және жарқын вокалдық қабілетімен баурап алды. Сағын қазақтың халық әні «Екі жирен» орындап, құрметті 2 орынға ие болды.

Биыл Қазақстанның хореографиялық мектебі тағы да жоғары баға иеленді. «Витебсктегі Славян базары» алаңында өткен V халықаралық «DREAM DANCE FEST» би байқауында «Нұрсәулемай» тобының орындауындағы «Нан бар жерде ән бар» номері (Меруерт Жараслаеваның хореография мектебі) кіші жас санатындағы 1-дәрежелі Лауреат дипломымен марапатталды.

«Витебсктегі Славян базары» халықаралық өнер фестивалінде қазақстандық орындаушылар дәстүрлі түрде жүлделі орындарға ие болады, олардың арасында Димаш Құдайберген, Әділхан Макин, Әлішер Кәрімов, Рухия Байдукенова және басқалар да бар. Олар енді бұл байқауға құрметті қонақ және фестиваль қазылар алқасының мүшелері ретінде жиі шақырылады.

Биылғы жылы байқаудың қазылар алқасын Қазақ КСР халық әртісі, профессор, Беларусь Республикасы Президентінің «Өнер арқылы – бейбітшілік пен өзара түсіністікке» арнайы сыйлығының иегері Роза Қуанышқызы Рымбаева басқарды. Ол Славян базарына ұлының фестивальге арнайы жазған әнін әкелді.