Қазақстан Елшісі Беларусь Сыртқы істер министрімен кездесті

Минск, 2024 жылғы 1 шілде - Қазақстан Республикасының Беларусь Республикасындағы Елшісі Тимур Жақсылықов Беларусь Республикасының Сыртқы істер министрі Максим Рыженковпен кездесті.

Кездесу барысында тараптар саяси, экономикалық және мәдени-гуманитарлық салалардағы қазақстандық-белорус ынтымақтастығының қазіргі жағдайы мен даму перспективаларын талқылады. Алдағы екіжақты және көпжақты сипаттағы іс-шараларға ерекше назар аударылды.

Сұхбаттасушылар Қазақстан мен Беларусь арасындағы қатынастардың жоғары деңгейін, сондай-ақ көпжақты қазақстандық-белорус ынтымақтастығын одан әрі нығайтуға және дамытуға өзара мүдделілігін растады.