Александр Лукашенко: Беларусь пен Қазақстан қарым-қатынаста ең озық болу керек
Минск, 2024 жылғы 4 наурыз - Қазақстанның Беларустегі Елшісі Ерлан Байжанов Беларусь Республикасының Президенті Александр Лукашенконың қабылдауында болды.
Кездесу барысында Беларусь мемлекетінің басшысы Қазақстан Президенті Қасым-Жомарт Тоқаевтың үстіміздегі жылдың үшінші тоқсанында Беларуське жоспарланған ресми сапарына ерекше назар аударды. Бұл ретте А.Лукашенко «Беларусь пен Қазақстан секілді мемлекеттердің қарым-қатынасы ең озықты болуы керек» деп атап өтті.
Қазақстан басшысының сапары Қазақстан-Беларусь экономикалық ынтымақтастығын одан әрі дамытуға, өзара сауданың, өнеркәсіптік кооперацияның, бірлескен кәсіпорындар мен инвестициялық жобалар санының айтарлықтай артуына ықпал етеді.
- Осы сапардан кейін біз тауар айналымы бойынша қол жеткізген миллиард жай ғана болып қалатынына сенімдімін. Өйткені интеграциялық бірлестіктердегі біздің достас елдеріміздің әлеуеті зор», - деді Беларусь Президенті.
А.Лукашенко Президент Қ.Тоқаевтың басшылығымен жүргізіліп жатқан Қазақстанның белсенді халықаралық қызметін атап өтті. 2024 жылы Қазақстан Ұжымдық қауіпсіздік туралы шарт ұйымына және Шанхай ынтымақтастық ұйымына төрағалық етеді. Биыл шілдеде Астанада өтетін ШЫҰ саммитінде Беларусь осы халықаралық ұйымның толыққанды мүшесі болатынына сенім артуда.
Беларусь Президенті санкциялық режим халықаралық саудаға, оның ішінде Беларусь пен Қазақстан арасындағы қарым-қатынасқа әсер ететінін айтты. Осыған байланысты А.Лукашенко Беларусь Қазақстан үшін қиындық тудырмайтын ынтымақтастық салаларын табуға дайын деп сендірді. «Сіздің мемлекетіңіздің мүддесі үшін біз сізбен барлық салада ынтымақтастыққа дайын екенімізді білуіңіз керек», - деді Беларусь басшысы.
Беларусьте жұмыс істей бастағаннан бері ел өңірлеріндегі көптеген ірі кәсіпорындарды аралаған Қазақстан Елшісі Е.Байжанов Беларусь өнеркәсібінің технологиялық дамуының жоғары деңгейін, сондай-ақ белорус компаниялардың қазақстандық серіктестермен ынтымақтастықты кеңейтуге мүдделі екендерін атап өтті.
«Қазақстанда жұмыс істеуін көргіміз келетін Беларусьтің әрбір өңірінде бірнеше компаниялар бар», - деді Е.Байжанов. Біз өндірісті оқшаулау туралы айтып отырмыз, бұл салада жақсы тәжірибе жинақталды. Қазақстанда қазірдің өзінде ауылшаруашылық, автокөлік және басқа да арнайы техникаларды бірлесіп шығару бойынша кооперация жобалары жүзеге асырылуда.
Елшінің пікірінше, ұзақ мерзімді инвестициялық жобаларды іске асыру үшін мемлекет пен қаржы институттардың қолдауы қажет болуы мүмкін. Осыған байланысты кездесу барысында ол өнеркәсіптік кооперацияның бірлескен қорын құру идеясын талқылауды ұсынды.
2024 жылы елдеріміз Беларусьті фашистік басқыншылардан азат етудің 80 жылдығын, келесі жылы Ұлы Жеңістің 80 жылдығын атап өтеді. Бұл Қазақстан мен Беларусь халықтарын біріктіретін ортақ тарих. Беларусь жерінде көрсеткен ерлігі үшін 84 қазақстандық жауынгер Кеңес Одағының Батыры атағына ие болды. Кездесу барысында Е.Байжанов А.Лукашенкоға осы маңызды даталарға орайластырылған Қазақстанның Беларусьтегі Елшілігінің қатысуымен өтуі жоспарланған мәдени-гуманитарлық және медиа жобалар туралы айтып берді.
А.Лукашенко Қазақстан Елшісіне белсенді жұмысы үшін алғыс білдірді. «Сіздің дипломатиялық миссияңызға жан-жақты қолдау көрсететінімізге сеніңіз», - деп сөзін аяқтады Беларусь басшысы.
Видеоға сілтеме: https://president.gov.by/ru