Минскте ТМД-ға ҰҚШҰ жанындағы байқаушы мәртебесін беру мәселесі талқыланды

Минск, 2022 жылғы 2 тамызда - ТМД-ның Атқарушы комитетінде Тәуелсіз Мемлекеттер Достастығына Ұжымдық қауіпсіздік туралы шарт ұйымы жанындағы байқаушы мәртебесін беру туралы ТМД мемлекеттері басшылары кеңесі мен сыртқы  істер министрлері кеңесі шешімдерінің жобаларын келісу жөніндегі сарапшылар тобының отырысы өтті.

Басқосуға Армения, Беларусь, Қазақстан, Қырғызстан, Ресей, Тәжікстанның өкілетті өкілдері мен сарапшылары, сондай – ақ ТМД Атқарушы комитетінің, ТМД-ға қатысушы мемлекеттердің Қорғаныс министрлері кеңесі хатшылығының, Ұйымдасқан қылмысқа және қылмыстың өзге де қауіпті түрлеріне қарсы күресті үйлестіру жөніндегі бюроның, Шекара әскерлері қолбасшылары кеңесінің үйлестіру қызметінің, Көші-қон органдары басшылары кеңесінің және ҰҚШҰ Хатшылығының өкілдері қатысты.

Кездесу барысында қатысушылар Тәуелсіз Мемлекеттер Достастығына ҰҚШҰ жанындағы бақылаушы мәртебесін беру туралы ТМД мемлекеттері басшылары кеңесі мен сыртқы істер министрлері кеңесі шешімдерінің жобаларын талқылады.

Отырыс қорытындысы бойынша сарапшылар тобы отырыстың материалдарын мемлекетішілік келісу жүргізу үшін ТМД – ға қатысушы мемлекеттерге жіберу туралы шешім қабылдады. 

Мемлекетішілік келісу жүргізілгеннен кейін аталған шешімдердің жобалары белгіленген тәртіппен ТМД мемлекеттері басшылары кеңесінің және сыртқы істер министрлері кеңесінің қарауына енгізілетін болады.

ТМД мемлекеттері басшылары кеңесінің және сыртқы істер министрлері кеңесінің отырыстары 2022 жылғы қазанда Нұр-Сұлтан қаласында өткізу жоспарланған.