ҚАЗАҚСТАН РЕСПУБЛИКАСЫНЫҢ МЕКЕМЕЛЕРІ БЕРГЕН ҚҰЖАТТАРДЫ АПОСТИЛЬ МӨРІМЕН РАСТАУ ЖӨНІНДЕГІ АҚПАРАТ
Қазақстан Республикасы легализацияны жою жөніндегі 1961 жылғы 5 қазандағы Гаага конвенциясының мүшесі болып табылады (бұдан әрі-Конвенция). Конвенцияға сәйкес, басқа бір мемлекеттің аумағында пайдалануға арналған, белгілі бір мемлекеттің өкілетті органдар берген құжаттарда арнайы мөртабан қойылады Апостиль қойылады. Конвенцияның 5-бабына сәйкес, апостиль қолдардың түпнұсқалылығын, құжатқа қол қойған адамның кiм екендiгiн және тиiстi жағдайларда бұл құжат бекiтiлген мөрдің немесе мөртаңбаның түпнұсқалылығын куәландырады.
Қазақстан Республикасы Үкіметінің 2001 жылғы 24 сәуірдегі № 545 сәйкес, апостиль қою бойынша өкілеттікке ие ұйымдар ретінде мына мемлекеттік органдар белгіленді:
-Қазақстан Республикасының Әділет министрлігі;
-Қазақстан Республикасының Білім және ғылым министрлігі;
-Қазақстан Республикасы Ішкі істер министрлігі;
-Қазақстан Республикасы Мәдениет, ақпарат және спорт министрлiгiнiң Ақпарат және мұрағат комитетi;
-Қазақстан Республикасы Жоғарғы Сотының жанындағы Соттардың қызметін қамтамасыз ету департаменті (Қазақстан Республикасы Жоғарғы Сотының аппараты) (келісім бойынша);
-Қазақстан Республикасының Қаржы министрлiгі;
-Қазақстан Республикасының Бас прокуратурасы (келісім бойынша);
-Қазақстан Республикасының Қорғаныс министрлігі - Қазақстан Республикасы Қорғаныс министрлігінің арнаулы мемлекеттік мұрағатынан шығатын мұрағаттық анықтамаларға және мұрағаттық құжаттар көшірмелеріне.
Аталған органдар өздерінің аумақтық органдарына апостиль қою жөніндегі өкілеттігін беруге құқылы.
ҚР-ның мемлекеттік органдары берген құжаттарға Апостиль мөрін қою үшін келесі құжаттарды көшірмелерімен бірге 2 данада ұсынуыңыз қажет:
- еркін нысандағы өтініш;
- көрсетілетін қызметті алушының жеке басын куәландыратын құжат;
- апостиль қоюға арналған құжат (түпнұсқасы және 2 дана көшірмесі);
- консулдық алымның төленгенін растайтын құжаттың түпнұсқасы. Консулдық алым 35 АҚШ доллар.
Егер Сіздің өтінішіңіз қандай да бір себептермен қабылданбаса, 2017 жылғы 25 желтоқсандағы № 120-VI ҚРЗ ҚР-ның Салық Кодексінің 629-бабының 7-тармағына сәйкес төленген консулдық алым сомалары қайтарылуға жатпайды.
Құжаттарыңыздың дайын екендігі туралы Сізге хабарлама жолдау үшін мекенжайыңыз көрсетілген маркаланған конверт (22 х 11 см) ұсынуды сұраймыз.