ҚР азаматтығынан жоғалту туралы

Басқа елдерге кеткен және өзге де азаматтығын қабылдаған Қазақстанның бұрынғы азаматтарына ҚР азаматтығынан айырылуды тіркеу үшін 30 тәулік ішінде Қазақстанның консулдық мекемесіне жүгіну қажеттігін хабарлаймыз.

Егер Қазақстанның бұрынғы азаматы өзге азаматтықтың (қос азаматтықтың) болу фактісін жасырған жағдайда, онда оның әрекеттері әкімшілік құқық бұзушылық белгілеріне жатады, бұл 200 АЕК-ке дейінгі айыппұлды көздейді.

Осы зардаптардың алдын алу үшін Мексика аумағында немесе Елшіліктің жауапкершілік аймағындағы елдердегі Қазақстан Республикасының азаматтарынан өзге азаматтығы қабылданған жағдайда азаматтығынан айырылуды тіркеу үшін Қазақстан Елшілігінің консулдық бөлімін уақтылы хабардар етуді сұраймыз.

Қазақстан Республикасының азаматтығынан айырылуын ресімдеу үшін осы тізбеге сәйкес тәртіппен мынадай құжаттарды ұсыну қажет:

1. Қазақстан Республикасының азаматтығын жоғалтуды тіркеу туралы өтініш;
2. Қазақстан Республикасы азаматының паспортының және жеке куәлігінің түпнұсқалары. Паспорт немесе жеке куәлік болмаған жағдайда еркін нысанда түсіндірме беру қажет;
3. Шетел мемлекеті азаматының паспортының көшірмесі немесе шетел азаматтығын растайтын құжат;
4. Тұрақты тұру үшін басқа мемлекетке кету туралы шешімнің көшірмесі немесе тұрақты тұру үшін басқа мемлекетке кету туралы рұқсаттарды растайтын құжат.
5. Азаматтығын жоғалтқаны үшін консулдық алым алынбайды.