Қазақстан Республикасы Сыртқы iстер министрлiгiнің мекемелерi арқылы Қазақстан Республикасы азаматтарының, шетелдiк азаматтар мен азаматтығы жоқ тұлғалардың құқықтары мен заңды мүдделерiн қамтамасыз етуге қатысты құжаттарды талап ету туралы ақпарат

Мексикада тұрақты тұратын Қазақстан Республикасының азаматтары, шетел азаматтары және азаматтығы жоқ адамдар Қазақстаннан құжаттарды, оның ішінде некеге тұру қабілеттілігі (отбасылық жағдайы) туралы анықтамаларды, сондай-ақ Апостиль мөртабасы бар (талаптарға сәйкес Шетелдік ресми құжаттарды заңдастыруды жою туралы 1961 жылғы Гаага конвенциясы) құжаттарды Қазақстанның дипломатиялық және консулдық өкілдіктері арқылы талап етеді.

 

Құжаттар тізбесі:

1) еркін нысандағы өтініш;

2) нысан бойынша талап ету жөніндегі 3 дана сауалнама;

3) өтініш берушінің, заңды өкілдің немесе сенімді тұлғаның жеке басын куәландыратын құжаттың көшірмесін;

4) құжаты талап етіліп отырған тұлғамен өтініш берушінің туыстық қатынасын дәлелдейтін құжаттың көшірмесін (қажет болған жағдайда);

5) заңды өкілдің немесе сенімді тұлғаның өкілеттігін растайтын құжаттың түпнұсқасын (құжатты талап етуге өкілеттігі бар тұлға болған жағдайда);

6) өтініш берушінің немесе заңды өкілдің, сенімді тұлғаның дербес деректерді жинауға, өңдеуге келісімін;

7) талап етілетін құжаттың көшірмесін (бар болған жағдайда);

8) консулдық алым төленгенін дәлелдейтін құжаттың түпнұсқасын тапсырады.

9. Егер:

1) құжаттарды талап ету мәселесімен құжаттарды алуға құқығы жоқ тұлға жүгінсе;

2) өтініш беруші сауалнамада қарастыруға қажетті мәліметті ұсынбаса;

3) өтініш беруші осы Қағидалардың 8-тармағында көзделген құжаттарды ұсынбаса, құжаттарды талап ету туралы сұрау салуды жолдаудан бас тартылады.

 

 

Құжаттарды қарау мерзімі 4 айдан 5 айға дейін.

Құжаттар пошта арқылы қабылданбайды! Консулдық бөлім өтініш берушілердің пошта арқылы жіберген құжаттарының сақталуына жауап бермейді.

 

 НАЗАРЫҢЫЗ ҮШІН!

 Жеке тұлғалардың келесі өтініштері қанағаттандыруға жатпайды:

• азаматтық хал актілерін тіркеу туралы қайталама куәліктер, егер олар өтініш берушіге емес, басқа адамдарға берілсе;
• егер неке бұзылған болса, неке туралы куәліктер;
• қайтыс болған адамның туу туралы куәліктері.

Өлім туралы куәлікті марқұмның туыстары немесе заңды тұлғалар қызметтік мақсатта талап ете алады.

16 жасқа дейінгі балаларға туу туралы куәліктерді ата-аналары, асырап алушылары, қорғаншылары, қамқоршылары және кәмелетке толмағандар тәрбиесінде тұрған балалар мекемелерінің әкімшілігі сұрата алады.

Әскери билеттер мен қызметтік куәліктердің түпнұсқалары мен көшірмелері талап етілмейді.