Меню
Мәдениет, өнер, ғылым және білім саласындағы өзара іс-қимыл-қазақстан-мексика ынтымақтастығының басым бағыты.
Қазақстан мен Мексика арасындағы мәдени байланыстар 2021 жылғы қарашада Мексика депутаттары конгресінің (Парламент) кітапханасында Қазақ әдебиеті бұрышының ашылуымен кеңейді.
2022 жылғы шілде айынан бастап Мексиканың ұлттық әлемдік мәдениеттер мұражайында қазақтың ұлттық киімдерінің экспонаттары тұрақты негізде орналастырылды.
Мексикада 8 мыңнан астам қатысушысы бар танымал қазақстандық орындаушы Димаш Құдайбергеннің «Dimash Mexico Dears» шығармашылық жанкүйерлер клубы жұмыс істейді.
2022 жылы Мексика астанасында өткен «Black Canvas» халықаралық заманауи кинофестивалінде қазақстандық «Ақын» фильмі сәтті көрсетілді. Елшілік испан тіліндегі фильмнің субтитрін қамтамасыз етуге көмек көрсетті.
Екі елдің мәдениет қайраткерлерінің әртүрлі бірлескен іс-шараларға - фестивальдерге, концерттер мен конкурстарға қатысуы өзара қызығушылық тудырады. Сонымен, танымал мексикалық дирижер Энрике Батистің жетекшілігімен және Мехико штатының симфониялық оркестрінің сүйемелдеуімен Қазақстанның Халық әртісі Айман Мұсаходжаеваның концерттері Мексикада үлкен табыспен өтті. Мексикалық көрермендер қазақстандық скрипкашының үздік өнері мен шеберлігін жоғары бағалады. Жеке концерттен басқа А.Мұсақожаева 1972 жылдан бері өткізіліп келе жатқан және Латын Америкасындағы ең беделді халықаралық «Сервантино» фестивалінде өнер көрсетті.
2022 жылы Қазақстан мен Мексика арасындағы дипломатиялық қатынастардың орнағанына 30 жыл толуына орай бірқатар іс-шаралар өтті. Атап айтқанда, Мехико қаласында «Қазақстан: Еуропа Азиямен кездесетін жерде» фотокөрмесі өткізілді. Оның барысында еліміздің мәдениеті, дәстүрі, тарихи мұрасы, табиғаты, сәулеті және заманауи жетістіктері туралы 20-дан астам фотосурет ұсынылды. Көрменің ашылу салтанатына Мексиканың Сыртқы істер және мәдениет министрліктерінің, Мехико қаласы мэриясының өкілдері, Мексика Парламентінің белгілі депутаттары қатысты.
Көрме шынайы қызығушылық тудырды және 2023 жылғы тамыз айында Мексиканың мәдени астанасы және Латын Америкасындағы ең ірі туристік орталықтардың бірі болып табылатын Гвадалахара қаласында қайталап көрсетілді.
Мексиканың әлемдік мәдениеттер Ұлттық музейінің көмегімен Қазақстан Елшілігі шетелдік студенттердің Қазақстан Республикасында жоғары білім алу мүмкіндіктерінің тұсаукесерін өткізді. Сонымен қатар, іс-шарада қазақ халқының мәдениеті мен дәстүрі көрсетіліп, қолданбалы өнер экспозициясы мен фотокөрме ұйымдастырылды.
Спорт желісі бойынша байланыстар жүзеге асырылады. Қазақстанның Ауыр атлетикадан жасөспірімдер құрамасы 2022 және 2023 жылдары Мексикада өткен Ауыр атлетикадан әлем чемпионатына екі мәрте қатысты.